جنت احبها
جنت احبها
وفرهدوها لغير واحد
وانه نايم
والمصيبه ادگول صدفه
اني حسبالي غشيمه وثاري تدري
اليحط بجفوفه خاتم ناس غربه يموت ولفه
الضلمه سهله
لليريد يشيل ضلمه بأيده يگدر
وما يشيل الضوء جفه
بيش بعتيني بحلم "بدلة عروس"
وانه تارس كل حلم لهواج زفه
وهذا جفج
ليش كفه؟
وما ذكرني شلون احلفه؟
كافي لدگولين صدفه
انتي لونج لون گلبي !! ومن يجذب گلبي اعرفه
صوتي شال لديره خرسه !!
الخانه ولفه الصوت كلفه
انتي رحتيله بشبابج
وانه اباوع روحي تكبر باب باب
اذني صلفه
من وصلتي لبابهم وسمع هلاهل
هزهزولي الروح سعغه
"هاي الرادها وهاي التمناها"
جان ولفج شعره ليل ومن سمعها
تمرغل بمصباح زلفه
علي كاظم الصبيحاوي
رد مع اقتباس
