هنا

[فقار الكرخي]

اريد ابني ..
عدل ميت اريد ابني ...
مشوني اعله درب الموت وبهمه
وابوس جفوف عزراييل واذا مايرضه احب جدمه
اخاف وليدي ضل وحيد وسجاجين الذبح فوكاه ملتمه
وانه ادري اليطيح بضيج اول مايريد امه
هيج الله ويلاكيني
ويكلي وياج خليني
يوردة عمري يمه افيش واشتمه
واشعل كل ضوه بروحي واكله شسوت الضلمه
واضفره بلكصيبه وياي خاف تبوكنه النسمه
وبحبل الصبر مشدود
يبني الشيله هم مفتاح اذا باب الفرج مسدود
كلب الوالده اشمدريه جنك ماترد اردود
ولاجنك علينه تعود
ليش عيوني رفت والفصوص جبود
وليش شما سمعت اخبار امك بس تخرط اخدود
ضنكه والكلب مهموم
اشو ايدي اعله صدري من وحدهه تهوم
شمال الناس ماتنشد ..
ماتسالني عنك من هذاك اليوم
لبسو علوجوه اوجوه اضن عدهم خبر مضموم
عدل ميت مبارك بس اشوفنه
حتى لو وصل مكطوع بذني جفوفي المنه
فشله من ابو الحسنين اذا يم غيره ادفننه
وابنيله كبر يمه وارد الزيج اشكنه
ومثل هزات كاروكه كون الكبر اهزنه
واكولن للينوحن اش ؟.. نايم لالاتكعدنه
واشتل دمعتي سدره
وكشف لله من ستره
والم دموعي والحسره واجيب ابنك واكلك هاك ..
اذا ماكو كبر علكاع شلون ا لفاتحه نقره
ـــمنقول

[دموع القمر]

​يقطع القلب الله يساعدها

[joliet]

يا الله على هالكلمات
مؤلمة جدا
تسلم ع النقل الرائع أخي

[Suzana]

مؤثر جدا ..شكرا جزيلا ع النشر

[ثامر ابو باقر]

صح السانك

[فقار الكرخي]

نورتو الموضوع