هنا

[wassn]

مرحبا وجمعة مباركة عل جميع بس بخصوص التقديم عل استمارة كاعد اقدم ل اختي معدلها 58.70 وكتبت هذا التسلسل بل استمارة الي عندة خبرة ممكن يكولي التسلسل صح او لا واكون ممنونة وبل نسبة للمجموع معدل كاعد يطلع صفر رغم ناجحة من دور الاول التكميلي شنو مشكلة الكل هيج لو شلون

[وسـام]

لا مو صحيح المفروض اول شي جامعة بغداد كلية التربية وبعدين كلية الاداب وثم جامعة المستنصرية وهكذا
والافضل استشارة مختص ,

[Mujtaba Xavi]

سنة2013 تكون الكليات 60 فما فوق
ام لان لا اعرف
عندي صديقي معدلة نفس اختج طلعلة معهد تقني
في الزعفرانيه

[wassn]

شلون لعد

[мᾄẋ]

الافضل تبدين بيها بالمعاهد والي تكون بغداد قريبه حتى يطلع الها
مباشر التقديم حسب معدلها يعني وبعدين تنزلين الكليات بعدها

[Lionel Ali]

معدلها ماينقبل غير المعهد خل تقدم مسائي احسن

[wassn]

متريد مسائي هي اقتنعت معهد وراها تكمل كلية مشكلة اخاف قبولها محافظات

[Lionel Ali]

يمكن تنقبل كلية بغير محافظة

وبعدين تسوي نقل بس النقل يتعب يحتاج واسطة وروحة وجية

[وسـام]

مثل مكلت الافضل تروح للمكتبات المختصة
هم شغلتهم يشوفون المعدل وعلى اساسة يخلون المعاهد لأن اصحاب خبرة

[ملاك96]

الترتيب خطأ.. بما ان معدلهه قليل خل تقدم بالبداية معاهد الي ببغداد حته تضمن يطلعن الهه.. وبعدين كليات لأن خاف يطلعلهه محافظات...