ماتجيب الما يلاكيهه فحل
ما نبيع اعيونه بسوك الظلام
ونشتري لوجه الوطن عار وفشل
حاله حال البوك عدنه الذل حرام
او روس تختار السيوف اعلل الوحل
من يسوي العايزه يغثنه الصديق
ومن نسوي الغانمه نحومر خجل
لانسينه اخلاقنه بيوم الهرير
ولامدحنه اسيوفنه بحرب الجمل
احنه تربيتك (علي )ودرس (الطفوف )
من الطبيعي نكون للعالم مثل
وياعراق الخير مجدك مايزول
ثابت بعزك وان زالت دول
وهاي غيمه وتنجلي ويبقه الصحيح
والربيع ايصير من بعد المحل
احنه واحد ماتفرقنه الخطوب
الهور يشرب ماي من جف الجبل
وعاجر اعلل الفاينه ارحام العراق
وكاعه بس بنطف الحق تحبل
مانظل مرتع خرافات الشعوب
ماتجتف عاقل احبال الجهل
الفكر مثل المهره بيام الخصاب
ماتجيب الما يلاكيهه فحل
قاسم الياسري
رد مع اقتباس