مرحبا بنات وشباب اشلونكماليوم اخذت استماره التقديم ووياهه الدليل والحدود الدنيا بس مداعرف شلون اقدم شو بالدليل رمز الكليه يختلف عن رمز الكليه بالحدود الدنيا ... واني من كربلاء ومحافضتي بالنسبه للقسم الادبي بيهه بس اربع كليات الي هي تربيه وقانون واداره واقتصاد وسياحه ومااكدر اقدم خارج المحافضه بسبب القرار الجديد بالتقديم الي ميسمحلي زين شلون املي بقيه الاستماره ومعدلي 70 واختي 85 ممكن مساعده بارائكم واسفه اذا طولت عليكم وشكرا
انطيها لمختص مثلا مدرس ولاتسويها وحدج تره تصير كارثه
والله حبيبتي هاي سنه كلش تفرق عن سنوات سابقه
واني مثلج دايخه ابنت خالتي لان مهجريين وخاليلهم قوانين غريبه عجيبه
ياريت اذا لكيتي الحل تكوليلنا ههههه
والله السنة ما اعرف هاية القرارات من وين جابوها : يكون تقديم الطالب على محافظته حصرا وين اكو هيجي شي احتمال اكو كليات تقبلة بغير محافظة وما مو جودة بمحافظته...
شكرا لكم بنات ع الرد مرسي
عزيزتي هذا القرار فقط للاختصاصات الانسانيه.. يعني عادي تكدرين تقدمين خارج محافظتج..
اني قدمت.. لاتعتمدين على الحدود الدنيا لأنها مو مال السنه وتختلف..
اكتبي الرموز الموجوده في الدليل فقط..
اضيفلج معلومه.. التقديم من 25 الى 50 اختصاص يشمل كليات ومعاهد. . معاهد 10 على الاقل يعني كحد ادنى والكليات 15 كليه كحد ادني.. فمجموعهن حيكون 25 الي هو الحد الادنى ايضا للتقديم. . ^_^
اتمنى تكونين فهمتي عزيزتي.. لتخافين التقديم كلش سهل..
لا تخوفيها .. ما تصير كارثه..المشاركة الأصلية كتبت بواسطة بنت النجف
انطيها لمختص مثلا مدرس ولاتسويها وحدج تره تصير كارثه
اني قدمت لوحدي ومن البيت واني كاعدة...
مرحبا اختنا
لتعلم شرح الاستمارة بالصور من خلال هذا الرابط
بالصور تعلم وخطوات ملىء الاستمارة الالكترونية للتقديم المركزي للعام الدراسي 2014-2015
ولتعلم شرح الاستمارة بالفيديو من خلال هذا الرابط
بالفيديو شرح استمارة التقديم على الجامعات والمعاهد 2014-2015
وهذا دليل الطالب
دليل الطالب للقبول في الكليات والمعاهد العراقية للعام الدراسي 2014-2015
لكن انصح بالذهاب لأصحاب الاختصاص مثل المكتبات المختصة باعداد خطة تلائم المعدل وهي متوفرة خلال ايام التقديم
رد مع اقتباس