ليش الوحدك من غير جناز----------ياهو ليغسلك ويغمض العيون غريب ابنص محطه وادم اجناب ----------وهلك عنك بعيد اشلون يدرون ليموت ابنص هله تتهدل اهدال ----------عليه امه واخواته اتطيح المتون ولشوفتك وحدك وانت الكبل جان ----------الجبل والوادي بسدك يلوذون ملك موتك استعجل لو توانيت ----------ترد الديرتك جا هسه مدفون دليني بجوازك رايد اقراه -----------واشوف اشصارلك بالغربه مسجون من وحشة حزن الوحشة الموت----------وشربت الوحشتين ابفرد ماعون عليك امك تعاين بلجن اتعود ----------وظعنك مارجع من دون الظعون عدمن ودعتهه وجيت ليجاي ----------وعليك اتناشد اليرحون ويجون تريدك عون الهه بتالي الشيب ----------وهسه انت ضعت وتريد الك عون وحدك تنعه روحك جنك اتكول -----------هلي يامن ضيعوني اشلون ينسون المثلك مايموت وناسه تنساه ----------العراقي انت العزيز وتنسي اشلون والمثلك مايظل من غير جناز ----------النخل يطلع وراك ويه اليشيعون المن جابتك للغربه رجليك ----------ومتت لا ناعيه ولا ناس يبجون تكلي الجوع اكلك انت غلطان ----------العراق بخير بعده ولسه مامون صحيح الجوع كافر من يمر بيك----------واني امجربه واعرفه اشلون ملعون حافي وساوموني وكلت مابيع ----------وشلت غيرة هلي العشرين مليون اثبت لا تهزك رعشة الموت ----------الشدايد صم صبر وتعدي وتهون غدر طبع الذيابه وهذا معروف ----------ومثل هاي النهايه المره يردون اني ياصاحبي راجع للعراق ----------واسولف قصتي للي ياشرون الوطن هذا الوطن كل شبر محراب ----------كعبه ودنكوا يمهه اليصلون
رد مع اقتباس
المشاركة الأصلية كتبت بواسطة نونه المجنونه
