<font size="6"><span style="color:#141823"><span style="font-size:13px"><span style="font-family: lucida grande"><span style="font-family:arial;">
حالك حالهم هم واعدت وجفيت
امس ذميتهم واليوم اجاك الدور
من ايدك هاي لايدك هاي جنت وياك
اذا تكبلني طيرة بحضني يطلع هور
منو مثلي بخدمتك وين تلكه انسان
اعتذار يجيبلك من شفة المغرور
من عيني المشو ماخذو رمشة عين
وحظرتك تلتفت تترك كلب مكسور
مدري شجم كتر من عندي بعدك مات
الجفن ذابل ودمعي بكل مكان يفور
واقشمر عيني بلكت فد عزيز يموت
وافرغج يمه حد مايوصلج عاشور
ضحكتك حصتي ليش لوجه غيري تصير
حرام تضيع نعمه بوجه مامقهور
ادور وجهك وبس بالصور الكاه
وشعرك ماحزرته بيا حضن منثور
الشجرة تذب وركها تصير جف وداع
اذا هزها الخريف وسافرت الطيور
انه ليلي اعله صوتك كوة يخلص جان
اليتيه نور وجهك وين يلكه النور
بعين الفارك يحلل خبزته الليل
الشمس بس على الحاضن ولفه تبقى تدور
وما محسوب.. اطلعه من العلاقه اثنين
واحد راح.. واحد عالهجر مجبور
الطلع من السجن كايد حبيبه وياه
فرق عالطلع لكن كايده المأمور
وﻷن جارحني ما اجرحك الحب اخلاق
تلكه بخاطري بس كلمة المشكور
كلمن معدنه يصير الحطب دخان
وخبز ترجع الحنطة بطبة التنور
نهر بستان عمري وشل من جفاك
من المي والنوارس صفت حصته فطور
الكصب يستكثر يطك بيه كد ماجاف
وصارت ذكرى حلوة البلم والناعور
بعد ماجنت اصير مراية للفوكاي
مشه لون السمه الجان اعله لوني يدور
وزراك عيونك المتواردات وياي
الفلح كالت عليه خوش اصير كبور
ياقبلة عيون لهسه ممصليات
لوجه غيرك وراسي لعتبتك مديور
نذرت الماني كدهن وادري من تعود
هم تروح جي مابيه افك النذور
رد مع اقتباس
المشاركة الأصلية كتبت بواسطة بركان حبك ياعلي
