عراقيين طبعنا طبع فنجان
وشماكبرت الدله علينا براسها ادنك
طبع بينا من يمر بينا الضيف
نصيره ضيوف وهو المعزب
مو زغراً بيه بس البيت
يحلا اذا ضيفه معزبه
عراقيين وبينا نخوة الكرار
وزد الكفيل وطيبة ابو اليمه
احنا من يصير المزامط للكلفات شيمه
واحنا من يصير السيل برواحنا انلمه
عراقيين وتاج اذا مو برسهم ابد ما يحلا
ياريحة طين الفرات وماي دجله
يا نسمه الهور وبالفاو نتحنه
ياجبل من دهوك
يزحف حزف حماي للبصره
يانخل الجنوب يمدالسعف يم زاخو حده
وحك حيدر علي وجفوف الطفيل
وحك بضعة المختار وحسين ابو العتره
نضل حمايه لك ولو صار المزامط
تروح ارواحنا لك فدوه
رد مع اقتباس