مرحبا دررنا ....مشتاقتلكم كلش كلش
اتمنى ان يكون الجميع بتمام الخير والعافية ...حاضركم وغائبكم
...................
حنيت لمطبخي هنا ....فاجيتلكم وجبت وياي الروبيان
ولأن مااحب اكل الروبيان من غير بيتنا ولأن ماعجبتني ولا طريقة من طرق طبخه من اللي شفتهن ع النت
فراح اشوفكم طريقتي البسيطة بتطبيك الروبيان ...
اولا نبدأ بالروبيان ...اما منزوع القشر يعني نشتريه منظف ...وهذا لازم ننتبه اله لان مونظيف مئة بالمئة
اما نشتريه طازج ..تازة احلى هع
وطريقة تنظيفه ..نغلي مقدار من الماء بحيث يستوعب كمية الروبيان
وبعد مايغلي الماي نحط الروبيان داخله لمدة خمسة دقائق او اكثر شوية ...يعني يغلي وي الماي فد فترة
وبعدين نصفيه داخل مصفى ونصب عليه ماي بارد حتى نبدي بتنظيفه
ننزع الرأس والذيل وبعدين القشر اللي يحيط الروبيانه والارجل معا....
*ملاحظة ...او نصيحةاذا كانت كمية الروبيان اكثر من كيلو ..فالأولى ان يكون معانا اللي يساعدنا او اذا لوحدنا نشغل موسيقى حتى لا تزهك الروح هههههه
وهذا هو بعد مانظفته لوحدي هع
الروبيان حتى يبين طعمه الطيب ...لازم يكون حجمه وسط ..لاناعم كلش مايبقاله اثر من الحمس ولا كبير يخرع هع ...الروبيان اللي حجمه كبير ينشوي افضل
والنوب نحضر البصل ...ويكون كميته اكثر من الروبيان بعد ماتنظف ....و لاننسى تنقيع المشمش
نبتدي بالبصل نحمره على نار هادئة ونضيفله المشمش
ومن بعد مايتحمر البصل نضيف الروبيان
وبعد هم نخليه على نار هادئة ونضيفله مقدار نص كوب ماي حتى يصير الروبيان طري
ونضيف انواع البهارات اللي تعجبنا مع مطحون الدارسين ( القرفة) ومطحون لومي بصرة مع قليل من الفلفل الأسود
ويبقى لفترةعلى النار مع التقليب المستمر ....حتى نصير نشتم رائحته الطيبة ....
اهم حاجتين هما....الاعتناء بتنظيفه والتأني بطهيه
ومن بعد ما نخلص منه كنا خالصين من طهي الرز ....ونقوم باضافته للرز ونتركه لفترة قليلة حتى الرز ياخذ طعم الروبيان ..
وبالعاااافية على اللي يحب الروبيان
رد مع اقتباس
المشاركة الأصلية كتبت بواسطة طوق الياسمين
