هنا

[فقار الكرخي]

اني اسف والله اسف....
تعبت ايدج يروحي
بكثر ماحكيتي جدمج وانه اذكرج بالسوالف..
اني اسف
جنت اتعبج حيل اتعبج
جنتي كل لحضه بصفنتي
بكثر مامريتي بيهه
الهسه اثر جدمج عليهه
وغارزه بنصهه الطوارف
اني اسف والله اسف
ماكلتله وهوه يدري الماخذج باكاني عمري
عمري جاهل وانه خايف
خاف لو نمتو بحضنكم يحجي ويطش السوالف
اني اسف
جنت اضم هواي عنج ماكلتلج بالمصيبه
بيه كسرة شاب شارب شربت بخطبة حبيبه
وانقرة فاتحته يمه وبسملت بذنه الشفايف
اني اسف والله اسف
دورت كل ذكرياتج
كلبتهن ذكره ذكره
ذكره منهن سولفيتي بالحلم جن اني خنتج
ضهري حكني هواي حكني يمكن اشتاك الطعنتج
خل تجي تعادلي ضهري المنهه بعده الهسه خاسف
اني اسف
واعتذر كمت اهوه غيرج
رغم ماجنت اني حالف
هيه كبلج تهوه كلبي ولو رحت تبجيلي دمهه
ورده جانت بين اديه وهيه بيدي وما اشمهه
واعتذر منك اللهي
لازم اطيح حلفتي الجنه جانت يم جدمهه
حته ترضه
وهيه تسمع
خاطر يكون بعلمهه
اني ماخنتج ولكن الاحبهه امي اسمهه
.....................
حسين الطليباوي

[هدوءالورد]

رووووووووووعه

[امير العشاق]

يسلمو روعه

[فقار الكرخي]

نورتو الموضوع
مشكورين