محادثة غزلية ( موعد حب ) بين شاب وفتاة
موعد حب
الشاب / أشلونچ يا أعز
الناس عندي ..
هو الگلب چم أحبيبه عنده ..
الفتاة / هزني الشوگ
عالموعد اتانيك ..
وأعد بيدي الدقايق
وحده وحده ..
وحده .. اثنين ..
هاي الثالثة تروح ..
اتاني وصار هالموعد اشبعده
نمت حسبالي
اشوفك بالحلم جاي ..
وگلت دمعاتي احطهن وسط خده
/ نمتي .. هنيالچ غفيتي الشاب
وآنة ليلي يمر على
عيوني صبح
الينيَّم وردة ويمسد عليها..
مو مثل الي يلولي وينيم جروح .. !!
والغفه ابكلمة محنه ..
مو مثل الينام وبعينه ملح ..!!
الفتاة / لا حبيبي
آنه هذا الليل من يمرني دمعة..
وحزن.. واشواگ .. وحنين
آنه عيني عليك ما بطل دمعها ..
تبچي ما تسكت العين ..
/ لا .. لا تبچين الشاب
امسحي دمعتچ
وارجوچ لا تبچين ..
يل دمعچ جمر
وخدودچ احلى أورود ..
خايف على اخدودچ من دموع العين ..
لا تبچين ..
وردة وتحترك ما تحمل النيران ..
يذبل كل ورگها وتستحي من الطين ..
الفتاة / وانت تگلي لا تبچين ..؟
مو عمري انتهى .. وايامي كلها أتروح ..
لو راح العمر متگلي اجيبه أمنين ..؟
/ لا تبچين الشاب
المن بعد المن تسوه دمعه أتطيح ..
هو اشباقي بينا
ونحترگ كل حين ..
تعبنا القهر ممشى جزيرة وخوف ..
صار الماضي غلطه وچنه غلطانين !!
لا تبچين لو يسوه العمر يمكن بچينا اسنين ..
الفتاة / اشلون اتگلي لاتبچين
الشاب / لا تبچين ..!!
الفتاة / تدري انت اليحب
ما يگدر اعله النار ..
ويا نار اللي بيَّه أتفزز الميتين ..
احتاج الدمع من ما اشوفك يوم ..
لأن يصبح عليَّ اليوم خمس سنين ..!!
حبيبي لخاطري ..
لا تبتعد ارجوك
ما احمل فراگك ..
تدري كلش زين ..
الشاب / بس ارجوچ لاتبچين ..
خوفي آنه عليچ من الدمع
والله ..
مرات الدمع
ياخذ حلاة العين ..
ويَالكلچ ترافه ارجوچ لا تبچين
رد مع اقتباس
المشاركة الأصلية كتبت بواسطة قلب من ورق
