انتي اجمل قصيده انكتبت اوياي
ورد شوكي اعليج ابيش المه
احط اسمج بكلبي او انحني عليه
حته اوي النفس كل اليوم اشمه
ماعندي مكان اوين اخليج
رسم وجهج احيرن وين اضمه
لغز كلج لغز ياماي العيون
بس مرات لغزج سهل افهمه
اذا كلبي يدك الغيرج انهاه
واذا ماينتهي بضلوعي اعدمه
خيالج صوره حلوه بكل الالوان
كليلي خيالج وين ارسمه
اذا فوك الضلع الكه الضلع نار
واذا يمج ركض مابيه الزمه
ياليل المحنه منين احاجيج
لان حبج جذب مابيه اكتمه
اذا يقبل الباري نعبد الغير
العباده اصير الج صدكيني يمه
اهل الابداع
رد مع اقتباس
المشاركة الأصلية كتبت بواسطة الخزاعي حيدر
