من بالك بعد راح ارفع الزحمه
لكت غيرك صفنتي مبارك عل الروح
وبكت ريتي الهوة اليستاهل اشتمة
وحظيت بكمرة كسرت واهسك يا ليل
موسهلة بعد واتقشمر بنجمة
جبت عمري بقلق وياك حال كراب
غفة سيفك بحضني ولا اظن يضمة
واذا سيفك صحة يتانيني عزرائيل
نايم غافي سيفك جابلي اللجمة
ترة العاش بقلق والحكم جان اعدام
بحبل المشنقة يلاكيهة للرحمة
جفوفك والطعن وي ظهري شوصحبان
جفوفك بلطعن مشكولة الذمة
عاشرتك ظلام وعشرتك سرداب
المعاشر ظلام وي الشمس يعمة
بين ايدك جنت بس هسة خارج قوس
وقوسك ما خطة بنص كلبي اجاه سهمة
رفعت ايدك وداع ...وشاطر انتة بهاي
ومن بالك بعد راح ارفع الزحمه
رد مع اقتباس
