أشعار للعيد 2014 , أضخم مجموعة من الأشعار العراقية لعيد الأضحى, ومضات وقفشات2015
أشعار للعيد 2014 , أضخم مجموعة من الأشعار العراقية لعيد الأضحى, ومضات وقفشات للعيد 2015
هاا يعيد شلونها فرحانه بيك
ﻻ عليك الله صدك شخبارها
احجيلي من يدعولها بأبن الحلال
هم تفكر واخطر اني ابالها
قبل اهلك - قبل جارك
قبل كلمن اجه اوزارك
اريد ارسل سلا م او شوك
واكلك عيدك امبارك
----------------------
قبل كلمن اجه اوزارك
قبل كلمن وصل دارك
اجت روحي ابرسالت شوك
تكلك عيدك امبارك
------------------
قبل كل اليحبونك
قبل كل اليودونك
اجيلك يااعز الناس
واعيدك وانه ممنونك
----------------------
صح عنك انه ابعيد صح ما اشوفك
بس من يجيني العيد لتضن اعوفك
------------------------------
يالكلك انته العيد شتريد اكلك
لو شيلك اعله الراس لتضن امللك
-------------------------------
كل يوم اشوفك عيد مو كل سنه اتدور
صدكني بالدلال بانيلك اقصور
-------------------------------
باجر يغالي العيد كلي اشئكلك
مدري انته كل العيد مدري اهوه كلك
------------------------------
قبل اللذي ايعيدوك انه ارد اعيدك
وارسل عشر بوسات حطها اعله خدك
-----------------------------------
مـن هـسـه اگـولـك أي عـذر مـا عـاذرك
شـدگـول أعـَّيـِد لـو أظـل مـنـاطـرك
يا عيد الله الما يجيب أخبارك
عود ليش أنگوله عيد مبارك
عاشور عيد الله نـگـلـبه الخاطرك ..
بعظمته العيد مرني وانته مامريت !!!!!!!!!!!
يل بادي بزعل واني بصلح بادي ؟؟؟؟؟؟؟؟؟؟؟؟؟
عليك االله تعال افرح ردت وياك ؛؛؛؛؛؛؛؛؛؛؛؛؛؛؛؛؛؛
((عيد ااالله الاجه مو عيد ميلادي ))
عيد ابلا ضحكتك جنه موعيد
يااله اضحك حبيبي وفرح الروح
تدري ابلا ضحكتك يزعل العيد
يعني العيد فدوه الوجهك ايروح
وعيد اليمر عالناس متونسه اتفوت
وعيد اليتامه ايصير هجمان البيوت
باجر يبوسون خدنه اثنينه
وخاف يقرون الفراك بعينه
عيد باجر والزعل ما خله عيد
نريد بس طباب خير بينه ..
تمنعة أنت اليون لو مرة ليل العيد
بس گلي اليتيم أتمنعة لمن ناح
وأنة أيتيم حبك من أون معذور
طفل گلبي وسئلني وگتلة أبوكم راح
شـعـنـده جـاي الـعـيـد مـانـي مـسـامـحـه ..
والله لـو بـاس أيــدي هـم مـا صــالــحـه ..
جايني و لابس جديد
والوطن نـصـه شهيد
والـنـص الاخــر بـاقـي يـقـره الــفـاتـحـه .
عيدك امبارك عراق الصابرين.
ريت بغداد الفرح بي تنتشي ..
نذر لو رديت ليام الامان . ...
نمشي انه اوياك للكاظم مشي.
كلمن شاف وجهك....كال هذا العيد....
كبل كل ايام ربك عدنه عيد
وصدفه من نسمع مناحه ونايحه
هسه عيد وعيدك مبارك نشاز
وتدخل بكل بيت تقره الفاتحة
عيدج مبارك يمن گلبي نساج
كون تعمه عيوني اذا اباوع وراج
كون اشم عطر چتال ابــــــوي
ولا اشم عطر ريــحــــة هـواچ
بعيد الله تعال وفرح الرؤح
لان روحي بغيابك والله تعبانه
منتظرك تجيني وياي كومه اجرؤح
عليك الله تعال وعيد ويانه؟
كبل عدنه طبيعه كليجه بالعيد
ونلتم يم ابؤنه اشلون الطيور
هسه تغيرت صارت بجي ونوح
وكل مصباح عيد نزور الكبؤر
عدنا العيد ما نضحك ابد بيه
تخاف سنونه وماظنها تكدر
احنا اول بشر بس نضحك انكول
وره هذا الضحك بس الله يستر
هــا ؟ كَولولــه خـاف يخلّص العيد ؟!
وحبيــبك يبجي لله بعيــــن سيّد ..
بلكي ينكسر كَلبـــه ويجي بساع
اذا كَلتولــه ولفـــك مــــا معيـّـد ..
رتبلي نفسك بعد
هم يااالله اجاك العيد
هل سنه حلك بحلك
مو مثل ذيج السنه نكظيهه ايد بايد
ﻷن بس بل مكابر عيد الأيتام
بعد ماكو ازدحام اعله المراجيح
أشعار للعيد 2014 , أضخم مجموعة من الأشعار العراقية لعيد الأضحى, ومضات وقفشات للعيد 2015
رد مع اقتباس
المشاركة الأصلية كتبت بواسطة محبوب القلوب
