ياسلام الله اعله يوم الأربعين ؟
وعلمشو لحسين شالو رايه ؟
گومي وتلگي الأجولچ كربلاء ؟
حيدر وزينب إجو مشايه
$$$$
فرحوا آل أمية من وكع عباس
كالوا هاي زينب لازم نذلها
ما يدرون زينب بالزعل شتصير
مثل حيدر علي محّد ينازلها
$$$$
جوازات السفر ما بيها مفعول
اذا ما تخضع لعدة قوانين
تأشيرة واخذ بصمات الابهام
واختام السفارة من الدولتين
و جواز الجنة بس ختمين يحتاج
ختم بيعة علي ودمعات الحسين
ﺯﻳﻨﺐ ﺁﻳﻪ ﻃﻠﻌﺖ ﻣﻦ ﻇﻬﺮ ﻗﺮﺁﻥ
ﻭﺣسين ﺃﻋﻠﻪ ﺭﺍﺱ ﺍﻟﺮﻣﺢ ﺭﺗﻠﻬﻪ
ﻣﺎﺳﻠﺒﻮﺍ ﺧﺪﺭﻫﻪ ﺑﻴﻮﻡ ﻋﺎﺷﻮﺭﺍﺀ
ﻭﻻ ﺫﻟﺖ ﺟﺬﺏ ﻣﻦ ﻳﻜﺪﺭ ﻳﺬﻟﻬﻪ
ﺣﻴﺪﺭ ﺍﻣﻨﺎﻫﻪ ﺑﺸﺎﺭﺏ ﺍﻟﻌﺒﺎﺱ
ﻭﺃﺗﺼﻮﺭ ﻣﺮﻩ ﻭﻋﺒﺎﺱ ﻛﺎﻓﻠﻬﻪ
$$$$
ربــك من قسم بالقلم والنون
مو يعبث حشاه وعنده قصدين
كتب بالقلم حاء وسين والياء
وحط النون يمها وصارت حسين
$$$$
ابو فاضل غضب وعيونة تجدح نار
من سد الشريعة وثبت الثاية
وعلي هو الوزير ونصب العباس
وحط جفة علة جفة وسلمة الراية
رد مع اقتباس
