هنا

[مرتجى العامري]

حلوات

الاحلى مرورج انرتِ

[مرتجى العامري]

لشوقِ رأياكِ اصحو من غياهب نومي
لأستنجد بروحكِ املً للعيش
فتحت تغريدةِ صوتكِ وحنان خطواتكِ
قلبي يصرخ منادياَ احبكِ ياسيدتي
والنيران تشتعل شوقاً لكِ وعشقاً اليكِ
فقلبي لا يدق الا لرأياكِ
وبتأملِ يحفظُ معانيكِ..وينتظر ساعة البوح
حتى اتت اذ تشجعت
فأرتأيت ان لا اطل الانتظار..فصدمت
ان لعشيقتي عاشقً مخفي
ولست الوحيد الذي صرح لها بحبه
فتراجعت وانكسرت وتناثر املي بين العشاق
فيا ذي قار حبي لكِ باقي
وقلبي لن يدق الا لكِ مهما حبك وعشقكِ البشر
فقلبي كان ولا زال لكِ يخفق ..

3/9/2015

[مرتجى العامري]

بين سالفتي القديمه
وبين هاي البيهه واهس مال أمس
يفتر براسي عرس
وروحي يمهم رايحه
وعندي واهس !!
بس اخاف ؟؟
لا اموتن وانا عايش
بين اجو
باجر يجون
اصبر اصبر
هسه تفرج
خلهه روحك
لا تذلهه
عينك بعين الله خلهه
الله يمك مو بعيد؟؟
ادري ادري
والبعيد؟؟
البعيد ايصير يمك من يحن كلبك عليه
الجريب الماتريده اسمعه ظهرك
طشت الجكليت ترهم عل شهيد
الدمع مرات ينزل حته لو بهلال عيد
وانا حاير؟؟
بين ضحكة مبتلي ودمعة يتيم
السالفه الماتعرفله؟لا سولفهه الغشيم
كلمة الله وياك كلش جارحه
وانت تدري ؟؟
الفجر يتنفس هوه من البارحه
الناس تدري؟؟
الحنة ترهم للعرس وللفاتحه
اليدك صدره وماطلع من عنده صوت؟
بصدره موته ؟؟
ماعرف لسوالفك
انا شابع منك وميت عليك
ومن تجي وتنشدني جن ماشايفك
يا امام العشك ثق ماحالفك
انته كعبة روحي بس ماطايفك

[مرتجى العامري]

من عطش دين الله دم
شربيته لحد ما كال كافي
الدين ابن الله المدلل
وانت بس امدللك
من راد ماي
مات من العطش ينزف
حته بس..
ابن الله يروه
وانترس درب الله ظلمه
وانه تايه
وشفت دربك بي ضوه
يوصلني لله

[مرتجى العامري]

الكلبه فارغ ليله مامحسوب ليل
التاهه فكره يلكه و يروحه حبيب
النيته صفنه تكتله ها ؟
الكلبه راح ؟
لا يموت
بهمه خل يمشي ابراه
اليريد يعيش لا يبخل بحيله
اليل سالفته ثكيله
والله حلوه السالفه البيهئ ملح
تشبه عيون الصبح
عود ليش العشك من يكضي جرح
مدري ليش لكاع تضحك بس لهلهئ
وتبجي يم كيف الفلح

[مرتجى العامري]

صافحتني …
انتَ يل چفك نزيف سنين عمرك ،
وانه من دمك رسمت اول خريطة ..
وتوّي اريد اكتب عليها
حروف اسمي
بيتي
عنواني ، قضيتي ..
چفك بچفي برد ؟
واتعجبت !!
مواسم _ لطيف العامري

[مرتجى العامري]

اذا موجود بعدك كلي جاليش ؟
جهازك غالقه وماتفتح الخط
ادعي من اتصل كون الكه مشغول
واغمض عيوني حتى برقمك اغلط

[مرتجى العامري]

انا بعين الجسر واكف حرس بالليل
وبعين اليخوزر من تمر حلوه
ركضت عللشمس حتى استفز الليل
جنت اضحك بصوت وجدمي يتجوه
صح اتصوبت بس جلد ماشكيت
وانطيت الرصاص الماطلع عطوه

[مرتجى العامري]

لتكلي اليعمر الا بي حيل
شسوي بحيله اذا ماعنده نخوه
اكو سبعين عمره ويفزع وياك
واكو عشرين بس تفزعه كوه

[مرتجى العامري]