حالمةٌ انتِ ..
كعصفورةٍ , على غصنٍ ميادِ ..
تناغمكِ نسيماتٌ عذابٍِ
مع شروق ِ شمسٍ عراقية ٍ ..
حالمةٌ انتِ ..
كعصفورةٍ , على غصنٍ ميادِ ..
تناغمكِ نسيماتٌ عذابٍِ
مع شروق ِ شمسٍ عراقية ٍ ..
كلما غبتُ عنك ضننت انني نسيتك
وعندما أؤمن بهذة الحقيقة
لأكتشف كم انا كاذبه حتى بتصديقها
اختنق عندما اشعر ان الوجود كذبه
والياسمين رائحته عذاب
لازال القلب ينبض لكَ ... كأنه اللقاء الاول
لازالت الذاكرة تحتفظ بكَ ... كانك غادرت القلب تواً
لازال القلم ينبض مابين القلب والذاكرة
الفرح والالم
الفقدان والاشتياق
لازالت حكايتي في بدايتها ... ,
بين طياتها خداع
لم احلم به
من الأعماق .. تنتشر أصوات
في الظلام ..
تنادي أحدهم بصمت ..
تنادي مجهوﻵ ﻻ يعرف معنى الحنين ..
يتمزق قلبي كل حين
وهو في نوم عميق ؛
روح وانسى ايامنه وذيج السنين
وخلي بس الذكريات المؤلمه
مات حلمي الجنت اسولفلك عليه
ويه حلم الجنه دايم نحلمه
صارجرحي استاذمدرسةالعذاب
من بعدماجان طفل تعلمه
ومن اكله استاذك يسلم عليك
بكل بروده يردلي الله يسلمه
الصوره البالي القبل جانت تنور
بلون شعرك هيج صارت مظلمه
كلبي أمنته ومشى وياك الطريق
وللمشانق تالي انته تسلمه
وجان من تزعله يحلف مايعود
وتبتسمله وينسى جرحه وعالمه
انت كافر بلعشك لتكلي لا
واني اجذب الكال روحك مسلمه
وباجر بيوم الحشر تشهد عليك
اكبال ربك من تكف شتكلمه؟
جروح بيه بكثر ايتام العراق
بروحي ماظلك بعدشي تالمه
وجف اديك اكطعته خايف لااجيب
جفي انه بلحظه مره يسالمه
اطمئن ماردلك وانسه الجروح
راح اجفن هسه وادفن صورتك
جنت بعيوني ارق من الرقيق
ومثل شربة ماي ماتت رقتك
لأن كد ماعشرتك شوفتني آه
كمت حرب آيران اشوف بعشرتك
حاربوني اعله الهوه
وسوو حصار
وطالبوني اعبد حزبهم
كون تركع
كون تسجد
كون شيگلك سياسي
تگله صار
وعشت عيشه وماهي عيشه
لو تموت بجف سياسي
لو يموتك انفجار
ليمته احطن روحي چيمه
من خبزهم يطفه نار
يمته بيت لكل مواطن
نلگه ونعوف الاجار
دار دور
ليا وكت نقراهه گوه
والوطن ما جنه دار
جان بس ابنادم اليكبر يشيب
گامت اتشيب الزغار
وتاهت اعلينه السوالف
ياهو شرطي
ياهو سيد
ياهو بايگ
كلها تامر كلها تنهي
وكلهم اصحاب القرار
انه بس بنومي احلم
عدمو احلامي بسياسه
وكتبو اسبابي انتحار
ليمته ناس المو شريفه
نضن شريفه
والشريفه انگلها عار
شوكت يا حبر
الاصابع
ندري ما بيك افتخار
شوكت نهدمها الكراسي
ونصرخ
بوجه الحكومه
ياحكومه الكرسي طار
للصناعي انراجع اسأل لو طبيب
شو غريبه الشغله مو من طورنه
شدعوه صارت كشفتك هالگد الوف
انت دكتور اسألك لو تورنه
ولك كل اولادنه بسوح القتال
عن جبلنه ادافع وعن هورنه
داعش تذبح ولدنه وإنت ليش
بالسعر تذبحنه يادكتورنه
إنت بالمستشفى ماتسمعنه ليش
وبالعياده اتگوم تاخذ شورنه
ها لأن اهناه كشفتك بالبلاش
وبالعياده فلوس مو عن حورنه
إحنه من العوز صدگ ياطبيب
نفور ويچوي جهنم فورنه
ماي ماعدنه ولا گطره نشوف
فلوس ماكو ومحترگ ماطورنه
بلايه راتب تلتحق ولد العراق
شويه حس بهالوضوع وبجورنه
وحتى يلتحقون وتنام بأمان
رحنه بعنه امن الصبح كنتورنه
إنت ابن هذا البلد لا مو غريب
وتعرف الباگو لحمنه وثورنه
بحرب إحنه وهالحرب شده ومصاب
ويفترض نتساعد احنه بدورنه
دورنه نقاتل على الساتر نروح
ودورك اتنزل السعر دكتورنه
رد مع اقتباس