من باب المشاعر حيل ونـــــيت
وعله واهس جروحك صيحت أه
نطاك شلون قلبك ما تــــــأذيت
علة ونة جروحي اتصيـــــــح الله
من باب المشاعر حيل ونـــــيت
وعله واهس جروحك صيحت أه
نطاك شلون قلبك ما تــــــأذيت
علة ونة جروحي اتصيـــــــح الله
بـعـد مـنعاتبك ظـل سوي شتريد
نـعــرفك مــلتهي ومــالك خلـكنه
تمشي مو عالكاع جنك لو مشيت
الناس كله اتصيح وجهك دوره
وكلها تلتم من تجي وجنك ثواب
المايعرفك راح جاب اكدوره
كبل جنت انه احبك جنت دايخ بيك
احبك حب نظيف وخالي من الغش
بس هسه احبك لا .. أموت أعليك
و مو كلش احبك زدت ... عالكلش
لان طبعج خيانه كتلج انساج
ولان كلش احبج ما نسيتج
بعت الي يعزني وحبني حد الموت
وعفت حته الكرامة وشتريتج
أذا حبك نهر اتمنى أغرك بيه
والغركان نعرف يدخل الجنه
واذا لاسامح الله قسمتك بالنار
وحك ضلع الزجية لنارك ادنة
ياشمعة خواطر تشع تالي الليل
تتهامس همس بسكوت شفتـنه
انه ابيوم شفتك ما حسبت حساب
المحبوب رادك هذه كل ظنه
عيونك والنواظر صفنن اعله الباب
واحنه ابلا وعي من نحب تعرفنه
العشك هوه الفانه ودكدك البيبان
مانعرف نحب بس لا تواخذنه
ياريل العشك والسجة كلهه اجروح
تتجادح علينه وكامت اسبنه
يالوحه محبه الما وصلهه اتراب
يظل حايط الشوك معلكة بغصنه
يافرحة يتامى وغفل طبهه العيد
كاتلنه الخجل ومعرك كصصنة
محتار وحياتك بيش اوصفك بيش
يا يوسف زمانك ذيب ما كلنه
كبل يوسف ابحسنه ندري نكص أجفوف
بس حسنك مصيبه وكلنه ذابحنه
أدورك وين وانته ويه الرمش مشدود
وصم چفي عليك وبيك اتحنه
ياريحت كرنفل بيك لوهليت
ياريح الشمال المابعد منه
تاجر شوك انته واحنه ولهانيين
تتعنه الشفايف بلكي تشربنه
نشك الليل ومنه أنطلعك أهلال
واذا عاند ويانه الموت ميكضنه
رسمتك صورة مطبوعة بسواد العين
ومــا غمض اخافــن تنمحي الصــورة
وكتبتك ذكره حلوه مو علة الحيطان
كلبــي لـــذكرتــك ســويتة صـــبورة
وردتك ايـــد تــرفة اتنشف الدمـعات
مــــا ردتك تخلي الدمـــــع نافـــورة
استغليت المــحبة وبـكت كلبي بليــل
وانـــة لكلبك صرت للصبــح ناطــورة
شجرة وانتة طير ابروحي احامي اعليك
ولجل عينك جميع اغصاني مكسورة
شـيفيد الــملك لــو مــا علية حراس
مـــا ينهاب حــدة وينـــهدم ســـورة
مـــا يحيه الــزرع والنــهر عنة ابعيد
بــس تدري الفضل يرجع الناعـــورة
مــا عدد الك وافضالي تــدري اهواي
يــغركنـــك اذا تــحسبـــهن افـضـالي
جنت اول الك وانتـــة باخيـــر الناس
كتلك صيــر اول وانـــة الك تـــالي
كلــت الــكمر عــالي وابد مـا يـــلاح
سويتك كمر وانتـــة الصرت عــالي
شنهو الكلت غـــالي وماكلتك هــاك
انتـة الغالي لــجلك يرخص الــغالي
تعاهدنــة وكـلت للمـــوت مأنــساك
تنسة العشرة ابـد مــا جانت ابــالي
اذا ناسيني انــة لهسة مـا نـاسيك
ولــهسة السوالــف واكـفة اكبــالي
جــنت ويــاك واحد مــا نصير اثنين
مثل ضلي جنت من امشي تبـــرالي
كعدت اكبالي مرة اتغازل انة اوياك
ولكيت اخيال جسمك شابك اخيالي
يالرمشك سهم وحواجبك كالقوس
بــس تخزر علــي تتكطع اوصـالي
ازعلت مني ونفخت بوجهي من امشيت
ونفختـك عــاصـــفة وطـيرت دلالي
عمي انسة المضة وارجع وعوف لفات
يــرحــم بيـك ربــك درحم ابحـــالي
مريض انة اصـبحت والسبب هوة اجفاك
واذا سـالوني اكــلهم هــوة كتـالي
كلي ارجف مشاعر من الاكيك
واتلعثم خجل واكبالك اتعثر
واغرك بالسكوت واطفح من الشوك
بدلته االحرف بس والله ما أكدر
ولا يوم بحياتي اذكر خفت إنسان
بس انته الوحيد المنك اتحذر
وأراقب نظرتك كل لحظة من تفوت
ومن أقره الملامح ضايجه أتأثر
لموعد جيتك اوكف كبل ساعات
وأحجي وي الثواني بجيته أتأخر
وتجاوبني الدقايق لا بعد ساعات
بس انته اصبحت كبل الوكت تحظر
أطوي سنين عمري شما تمر الأيام
جنت هواي احبك هسه صرت أكثر
تخذلني الجرأة شبيها بس وياك
أحمر مره وجهي ومره كله أصفر
بزنزانة صفنتي وياك صار سنين
ومسكينة الشاعر تنكب محجر
لم بي عله بختك طشراني الشوك
تقبل شيمتك يم بابك اتطشر
باقي أتأملك وأمالي كلهن بيك
وإذا دربك حلم ماعاد بعد أسهر
وماأكلك خلاص وهذا حدي وياك
ثابت كلبي بيك ويعده لونه أخضر
روحي اختارتك وأنته شوكت تختار
من قيد السكوت لخاطري أتحرر
حب المن طرف واحد يضوك الويل
وأنه الويل ضكته بحبي الك يسمر
ياجاري شعجب معقوله ماحسيت
حريق القلب صار وناره بس تسعر
جار السعد انته وأنه أفاخر بيك
وصاني الآله بجاري أنه أفخر
وكال الجار لازم ينحسبله حساب
وخلاني عله بيتك حارس وأفتر
سَأسَكب حَبك كـ قطرَآت آلَمآء في عرَوْقي
فأنآ أخترَت آلَبقآء وْأنت مآئي ..
أنت لَآ تعلَم آنك معجزة عشق دَآهمت حَيآتي ..
دَعني أكتبك بكلَ آنآقتي متمردة أنآ بين جفنيك..
وْآلَشّوْق يشدَني آلَيك حَبيبي مهمآ كآنت قسَوْة آلَقدَرَ !!
سَأظلَ آنتظرَك مهمآ تمزقت من آلَآنتظآرَ !!
يكولون عنك مو حلو بس انت بعيوني كمر
شكلك مثل شكل الورد ومنكع بهيل وشكر
ياطلعت ورود الصبح يالذت عيون السهر
هو اليشوفك هم يظل عنده عقل ويكتب شعر
اليكول عنك مو حلو والكعبه ماعنده نظر
رد مع اقتباس