بعد ما وجهتهه بمنهج القــــــــرآن
وبعد ما دخّلتهه بأشرف الأديــــــان
رادت يا محمد تعبد الأوثـــــــــــــان
تزل عن الحقيقه وتسلك الأوهــام
بدت أول العلامه الكشفت الأســـرار
خانوا بالوصيه وبيعة الكـــــــــــرار
وﮔـبل لا يندفن شخصك يبو الأطهار
دفنوا بالخيانه سُنة الأحكــــــــــــــام
وبــــــــــــانت يــا محمد أكثر الغدره
بس مــــــا غمّضِت جفنك يبو العتره
كسروا ﭽـم ضلع من فـاطمه الزهره
مـــــــاتت وبصدرهه الحسره ولالام
وظهرت كـــــــــــل خيانتهم بعد مُده
بدت بــــــــاول سبط من سمّته جُعده
وبيا حـــــــــــال يلفظ بالطشت ﭽـبده
وعكب ﭽـبد المعارف جــــــــارت الأيام
ظهر حقد الدفين البيهم امــــن اسنين
من سلوا سيوف الباغيه اعلـه حسين
بقتله اهل الكفر رادوا يضيع الديـــن
ويحجّون إلهبل أهل الكفر كل عــــــام
لـﭽـن مـــــــا ظن كفاهم قتل ابو اليمه
ولا حـــزّة وريــــــده ولا سفك دمـــــه
هجموا عـــــــالخيام ابنــــار مضطرمه
وسبْوا حتى النساء ويسّروا أيتــــــــام
تظل اهـــــل الكـفـر تحقد عـلــه الشيعه
ﭽـه أعلنه بـــــــــالحق للــوصي البيعه
ﭽـه ﮔـلنه الــــوطن هيهــــــــات منبيعه
شما كثرت علينه ودارت الظــــــــــــلام
في رحاب سبع الدجيل عليه السلام ( موشح )
ـــــــــــــــــــــــــ ـــــــــــــــــــــــــ ـــــــــــــــــــ
ياأبو الشارات ياسبع الدجيل === ما يخيب اليلتجأ عندك دخيل
ـــــــــــــــــــــــــ ـــــــــــــــــــــــــ ــــــــ
ما يخيب اليسأل الباري القدير == يسألـــــه إبجاهك يبن طه النذير
من يزورك سيدي إو يمّك يصير == ما يظل مهموم وإيطيب العليـــــــل
ــــــــــــ
ما يظل مهموم ﮔاصد حضرتك == راية العـز بالأعالي رايتــــــــــك
ريت روحي ياطبيبي زارتك == يمّك الدُويات ما إلها مثيـــل
ــــــ
يمّك الدُويات يانبعة علـــي == والهموم إتروح عندك تنجلي
ياعلي الهادي أنادي ياولـــــي == جيت لبنك سيدي إو هُوّ الكفيل
يا امام انت الولي ابداية الكـــــتاب
إلماقروك إنك ولي شربوا حميم
وانت باء البسمله او لو ماقروك
اتصير سم الله الرحمن الرحيم
الصلاه ضربوك بس ساجد بقيت
وجان راسك منشطر نص انشطار
مثل سيفك سيدي اشوية انحنيت
وماتميز ياهو بيكم ذو الفـــــــــــقار
يعـــني معقول علي اتطبرك سيوف
وانته عـــــــــــرش الله يقبل هامتك
هـــــــــوه راد السيف ايصلي وراك
ومــــــالكه موضع سجود بحضرتك
فالذلك شــــــــــــاف هامك من بعيد
اتقــــــــدم السيف وسجد في هامتك
الـــــكرم طبعك نعم يبن الاصول
واليمــــوت ويندفن تحت التراب
يعــني خطارك علي بيوم الممات
ومايمسه كـل ضرر يوم الحساب
إذا احضـــر دَفــِــان الميــِّــــت بليـــــــــــل
أروح المكبــــــره واجفـــوفــــي عالــــراس
أنـــاظر كل كبـــــر وواستشعـــــر الويـــــل
واسايل وينــــه كبــــر الزهــره يـــانــــــاس
بضعه من الخلد جنه بربيع حسين ---- ومدينه من العلم حملت رزايه البين
وبيبان الصبر طگت تصيح بصوت ---- ياقفل اليطگ صبره وطريقه امنين
مكسور الضلع عصره وجنحها يلوج --- وعگازه الضلع تتوجى بالحسنين
يلاويها الهضم جرد سيوفه الباب --- وتأخذها الكرامه اتحاكم السجين
ياسهم المضه بصدر النبوه يصيح --- ذباح الجبل ريض ذبحت الدين
حملوگ الردى وباشط لهيب الموت --- وچن حيل انهدم واتهدمت ركنين
للدين اصل وفرع يرسم عبير وشوك --- وأركانج عصم واضح ترى التبين
ناديتي السهم گبل المنيه وصاب --- وأتخطه الگلب صوب اگلوب اثنين
وحضرتي الجفن گبل المسير وسار --- ويبرالي الكبر مخفي وتشوفه العين
صح مخفي العلامه ولااثر ليه --- بس شم الترب يحمل مرار البين
محتار بيك الوصف مخفي وبلايه رسوم --- وشوصف هالكبر ينعه ويلم روحين
ضل هاجس بعد فرگه والم تشييع --- وبليل الدفن وبها للحد لا وين
رد مع اقتباس