بكلوب شيعت علي خط القلـم ... لافتى
رايات نحمل اله بيه الصــور ... لافتى
من حيث بيه انكتب عن الولي ... لافتى لافتى غيرك علي سيف الله ول ... رايه
انت البليغ الحكم جثــير الطلب...رايه
لاتريد انت حكم لاتطمــــــع ب... رايه
يعزل الشيعه علي بيوم الحشر لافتى
الدنيه اخلاف شخصك ... من فتاهه
البلاغه بنهجه صارت ... من فتاهه
مهجتي ابيوم موتـي ... من فتاهه
لكو نص لعلي ونص الزجيه
***************
بطوار كل الحزن ياشعي انـــت ....نحت
عل المرتضى من انطبر الكَلب كله....نحت
من ال اميه اشبقى بس الـتراب و....نحت والمرتضى ظل علم عالي عله عالي.....الهام
جود وكرامه وعلم من علمـــهم.....الهام
هنياله والله بعلي الكَلب كـــون.....الهام
تمثال شامــخ يظل بنص الكَلب من....نحت
المصايب بس عله اهل البيت......ينحت
ودليلي من السكَم والنــوح.....ينحت
القلم كل يوم الي تذكـــار.....ينحت
بحب حيدر علي وحب الزجيه
ركن انهدم من طاح حيدر ولينه.... ادري النجاة وياه راعي السفينه
يلا نمشي للجسر..نوكف ابوجه الكفر
السممو جبد الامام.. ماتهمنه احنه السهام
دمنه لازم ينتصر
يلا نمشي بكل حزن..والدموع احسن وسيله
نواسي بالدمع الزجيه..واللطم ماكو بديله
لو تشوف انت الموالي..تشوف شنهو وبدليله
الحزن غطى عل روحه..وتبقى مهمومه وعليله
ياعظم ذاك المصاب..نعزي اصحاب الكتاب
ننتظر منهم أجر
لو مشيت العين تهمل..والكلب منك حزين
تواسي ابو اليمه بمصابه..وتلطم اتنوح باانين
اذكر انت الصار بيهم..أتذكر الكاظم سجين
مات بسجون الظلاله..ذوله نسل الظالمين
ماروعو الله ونبيه..ذوله ساس الجاهليه
ذوله نسل للشمر
شما يطول الزمن بينه..شما تدور الدنيه بيه
ابدا ماننسه مصابك..اي وحق رب البريه
نذكر السم الجرعته..وشربك كاس المنيه
واجب علينه نزورك..وننصب الكم هالعزيه
موشح ابثوب السواد.. الكم انصبنه الحداد
الكم انضحي العمر
لعنت الله عل اللذي اذانه
بسجن مظلم سممو مولانه
ايا يسجن السندي ياسجن الكفر
يشبه ابنيانه اركان الكبر
حالتك مولاي ادري ماتسر
ادري اذوك اشكثر اعدانه
ادري اذوك وتحملت المصاب
وجان صمتك للكفر هوه الجواب
انت حي ومندفن تحت التراب
ومثلك الماواحد اشكد عانه
منو مثلك عانه وتحمل الم
اتحملت هالظيم امضه من السهم
وتدري يامولاي ما واحد سلم
هذل شان الظالم وسجانه
هذا شان الظالم بكل العصور
يحرف بهل الدين ويبيح الفجور
يبقى معلون ونلعنه بكل عصور
تبقه شاهد للعصر بيبانه
تبقه شاهد للعصر بيه شجره
وشعمل بالناس حد الغرغره
وين هارون ويزيد الناصره
تسمه كافر اسمه وعنوانه
تسمه كافر نلعنه طول الزمن
ذوله اصحاب الرذيله والفتن
ايا يسجن الكاظم البيه انسجن
هوه نفس الظالم الاذانه
هوه نفس الظالم ونفس الشمر
ونفس ذاك ايزيد الانطه الامر
ذوله ساس الظالم واهل الكفر
ليش منهوالرافضه سمانه
هونفسه السممه جبد الحسن
وهوه نفسه الزاد الظلم وفتن
وجزء اركان العباده بكل وطن
هذا ابن يزيد بل مرجانه هذا ابن ازياد والظالم يزيد
هذا هارون الحكم الا رشيد
سمو الكاظم وقيدوه بحديد
وتالي ظلمه وظلمت الزنزانه احاه يازنزانتك موسى الامام
اشد جانت هيه من فعل السهام
ابدا لا والله مايشفه الكلام
لاان ادري النوح بس شافانه
لاان ادري النوح بس الكم يصير
انتو باب الله بيكم نستجير
من عذا ب الدنيه لو صارت سعير
انتو باب الله الصبح عنوانه
شفته اليوم مهمومه الزجيه..تشبح عينه عل الكاظميه
تصيح اوليدي مسموم..مات بسجن مظلوم
تصيح الله اكبر هالمسيه
اجتني بالحلم وتكلي تدري
اكتب هالكلام بوزن شعري
كظيته بالحزن والهم يعمري
وللمسموم انه انطية صبري
اذا تدنه الصحن تلزم ضريحه
صيح بصوت والجلمه صريحه
هذا المات بكلوب الجريحه
يظلام العصر هاي الفضيحه
بسمه ابن الدعي يحوم..وهذا الخبر معلوم
وصه اولاده بهاي الاذيه
هارون اللعين شوصه ولده
عليك بموسى لوصارت الشده
من عنده الفرج والفرج عنده
بس الاهم اني اوصيك بعده
هذا امام معصوم..والدنيه اله اتكوم
بيه وامنت هالجعفريه
زهد هالدنيه كله وبايع الدين
مثل جده الحسين وابو السبطين
ابد عن حق يسكت يغمض العين
هذا العلم منه وصل للصين
دور اسئل الروم..واسئل كمر ونجوم
اسئل لوردت حتى الثريه
رد مع اقتباس