بملكه ناسك تلكه حجمك
بملكه ناسك تلكه حجمك
الخيال شكد يجذب كل صدك ماتلكه بيه
كاسر احساسك واشربه
الخمر ماعده صاحب
راسك البوم لصورك لازم تحافظ عيله
يالتريد تكون شاعر\ لازم تراعي المشاعر
والخشن لاتصافح ايده
الشلع ورده من الحديقه يشيل صوره من القصيده
أي نعم هذا شعرنه الربته جفوف المضايف
كلوبنه شكد بيهه فطره تشبه كلوب الصرايف
نبوس أي فراشه تزعل ونحمي أي عصفور خايف
البيه اثر دمعة حمامه مانحط جفنه باديه
الطير زلمه وعد كلمته ومن يواعد عش يجيه
هيج احنه
عدنه لكلشي قداسه تراب الله نحسبه ماسه
واليتوب نتوب عنه
من يهدم اصنام كلبه ويمحي اثار الخرافه
ويرد ينزع حقد روحه ويسبح بنهر االترافه
هذا قانون المشاعر
للترف اجر وثواب
وللكره يوجد عقاب
اليبيع اسراره غيره هذا بيت بدون باب
العزل روحه وتكبر ينتهي بحضن التراب
العولمه فكره خبيثه اتبدل الدين بضباب
شاعر الماعد مبدى كل صلاته بدون نيه
والشرع اصلا يرفضه
المانشم بسطوره حيدر خاتل ابراسه ابن ملجم
وانشتاين خل يحفظه
اليصحاب نهر ينجه
واليامن بالسراب ا يموت بالصحرا ويضيع
نيوتن وقانونه حذبه
تفندت والفنداهه كطره من دم الرضيع
الوفاء اول كتاب لايدرس بالمدارس
اليكول اني قريته هذا جذب مستحيل
الرايد يحصله نسخه يزور عباس الكفيل
المدح هارون يخسر القصر مايقضي حاجه
رايد تحصل مرادك ابجي يم باب الحوائج
هذا كلما عندي الكم
وجاتكم حامل رساله من قلب بيه الحسين
منقول
رد مع اقتباس
