وبس مــــد انته طبعك ماركد بحرك
اذن لاتقترب من نفسك اترجاك
عليك تفيض اخاف بحسنك وتغرك
يل رموشك جنج لاترمش العينـــــين
اخاف تطير عينك بيك وتطيرك
احله من التمر من تزعل انته تصير
ومن تضحك يجي يضوك التمر تمرك
يل خدودك ورد والكمر يمهه ينام
وانه بليل كاعد عيني تنتضرك
شمس البصره جسمك حته ليلك حار
عسه ربي اليساعد من حضه بضهرك
ارويني بجمالك اروي جمري بشووك
ثلج دافي الحضن حسيته وي جمرك
صدكني السحر ماجنت مؤمن بيه
صرت وبغفله مؤمن بيك وبسحرك
من شفتك غصن والنسمه تلعب بيك
وينزل بس عسل منك اذا تعرك
من شفت الدول ذابت وسط نهديك
واشكال العواصم صلت بخصرك
من شفت الادب والرقه والاخلاق
حسيت انه بيك وبيك صرت ادرك
من شفتك سمه ونيتك شفتهه نجوم
عرفتك طيب انته وهمك بصدرك
من شفتك بشر مومثل باقي الناس
شفت بس التواضع فايح بعطرك
كالولي شكثر عنك ولك مغرور
جذااااابين كلهم ماشفت شرك
بس طبع الطفل شفته انه واضح بيك
بريء بكل صفاتك حته في سرك
حته بعيني ماصدك بعد هيهات
واذا تغدر واشوفك انكر بغدرك
لأن تدري السحر ماجنت مؤمن بيه
صرت وبغفله مؤمن بيك وبسحرك
رد مع اقتباس
