(( سپايكر ))
إِنصُبغ وجه النهر من كثر سيل الدم
وكل لحظه طفل من عدنـــــــه يتيتّم
اشــــــــــــباه الزلم غداره معروفين
وصحاب الكراسي لدمنــــــه ماتهتم
ماعدهم شــــــــــرف باعونه للجلاد
وعله إِنحورنه إِبكل ســـــاعه يتقدّم
خــــاوينه المقـــــابر ناسبينه الموت
صرنه بكل وكت بس ريحته نشــتم
المن نشـــــــــتكي ويمّن نبين الحال
من كثــــــر الحچي حته الكلب ورّم
ذبحونــــه بأسم دينه الله أهل الجور
حته اموالنــــــــــــه الهم صُفة مغنم
مجازر بينـــه ســوّوا حفنت الأنذال
عدينـــه الأمر لجل الوطن يســــلم
خلّونـــــــــــه نهل دمعتنه عالخدّين
فعل ســـــــــــپايكر زوّد مرار الهم
فاضت روح امنـه الباتت إِعله الآه
اووگفت تصرخ إِعله الجــره تتألّم
فوطتها تشــــــــرف مجلس النواب
بس جيب ابو الغيره الألهـــا يتحزّم
باعوها الظماير صــــاروا بلا دين
الهم يوم يصفون إِبجُحــــــــر اظلم
وحگ رب الجلاله الشــيّد الاكوان
اذا ثـرنه اوعلي إِنخلّيهــــــــا تتندّم
************
رد مع اقتباس
