السلام عليكم
: ردادية على شكل عتاب بين زينب واخيها العباس (عليه السلام) : بقلمي
زينب تنادي ابصوت عباس راعينة
هجمو علة الاطفال والسوط والينة
اكعد يخوية النوماس ... احتركت اعلينة الخيم
:
رد عليها قالا :
:
لخيمجن ابجي اباه يا اختي عذريني
سهم الكلب مجروح وسهم الذي ابعيني
انكطعت يميني ويسراي ... ياسيف اشيلة ابيا وصل
:
ردت عليه قائلة :
:
وصلك بعد عيناي ادري الجرى الحالك
حتة تجيب الماي ضحيت باوصالك
وحفرت ضهرنة الاسواط ... وازرك ترى منهة المتن
:
رد عليها قالا :
:
متنج ياختي اشلون ما اكدر اتصبر
من العتب يختي كلبي ترى اتفطر
وجسمي امكطع ترى اوصل ... يا صفحة انهض بيهة الج
:
ردت عليه قائلة :
:
انهضلي ودعني راح امشي خوية ابعيد
راح امشي وية اجناب ياخذونة عد ايزيد
معذور يخوية عباس ... ابهاي الجراح الي تهد
:
رد عليها قالا :
:
لتهد مشيتج بس لمن عني اتروحين
وامسنسلة اباحبال وعد اهلج اتنادين
وعيالج اتصيح الكمر ... يا عمة وينة خل يجي
...............................
تحيات مباركة من
خادم الحسين
(عليه السلام)
رد مع اقتباس
المشاركة الأصلية كتبت بواسطة الريم
