تبجي كربلاء لو طاحت الانبار
واحس گلب النجف مشمور بديالى
مشت بابل تعزي البصره عالصار
وتكلهه شلون فاوج عطشت اطفاله
سمعت القادسيه بصوت عالي تصيح
يا بغداد... ليش دموعي هماله
اثاري ابن المثنى بذاك اليوم زعلان
چي گرصة خبز ما عنده لعياله
بمضيف الناصريه أهل تكريت
وعند هور العماره دهوك وجبالة
واذا كركوك صاحت حيهم اهل الزود
كل الكوت تفزع بهمة رجاله
والموصل وكف يتغزل بأربيل
يالخصرج قضيه...والنظره جتاله
اللهم احفظ العراق واهله
رد مع اقتباس
المشاركة الأصلية كتبت بواسطة abas satar
