انتظرتك ((مساجلة بيني وبين الشاعر المبدع موسى الموسوي))
انتضرتك
"""""""""""""""""""""""""""
الشاعر موسى الموسوي·
انتظرتك كلب هاوي
و روحي كاتلها القهر
عيني ذبلانه ابرمشها
مناطره الحد الفجر
وانتظرتك
"""""""""""""""""""""""""
الشاعر علي البدري ألكيتاوي
ماكسر كلبك ونيني
شنهو كلبك من صخر
ليش ماتسال علية
اعيوني ذبلها السهر
وانتضرتك
""""""""""""""""""""""""
الشاعر موسى الموسوي
ناطرك تلفيني لحضه
بنتضار اكظي العمر
حلم مامر بخيالي
والصبر مل الصبر
وانتظرتك
"""""""""""""""""""""""""
الشاعر علي البدري ألكيتاوي
بالحلم ردتك تجيني
بيك انة املي النضر
اغفى مامرني خيالك
الياوكت انة انتضر
وانتضرتك
""""""""""""""""""""""""
الشاعر موسى الموسوي
بتركيا كاعد واتاني
ماشفت مثلك بشر
دورت بيروت لجلك
ورايح اتعنه المصر
وانتظرتك
"""""""""""""""""""""""""
الشاعر علي البدري ألكيتاوي
انة بالكوت ابمكاني
انتة شو هاوي السفر
موسى منتضرك تجيني
افراكك الساعة ابشهر
وانتضرتك
""""""""""""""""""""""
الشاعر موسى الموسوي
انه كاعد عالبﻻج
انته كاعد عالهمر
عمي عوفوني بونستي
خاف اجيكم وانفجر
وانتضرتك
الشاعر علي البدري ألكيتاوي
ابقى جا خوية ابمكانك
حضرت انتة العذر
اني كدامي صوورك
انتة كدامك بحر
انتضرتك
"""""""""""""""""""""""
رد مع اقتباس
المشاركة الأصلية كتبت بواسطة رٌؤلآ آلٍعہٌتـــٌہآبٍَـٌـيْ♪
