هنا

[فقار الكرخي]

قصيدة للفقراء , شعر شعبي عن المحتاجين , شعر حزين عن المحرومين , قصيدة عن اليتامى



..
ولدي اشكد احبهم نفس بالروح
دفعت اسنين عمري وكبرتهم
جنت وياهم العب من يلعبون
ساعه امهم اصير وساعه اختهم
عشت ابوكت غالي ورخصت الناس
وياهو الكال امهم رخصتهم
صرتلهم ابو من مرهم العوز
يتامه ابلا أبو ما حسستهم
وردت ينهاب بيتي ابين البيوت
ولدي اصغار مو هلكد شفتهم
عليهم زلم حتى الوادم اتكول
نفس اهدوم ابوهم لبستهم
سويت العلي وبروحي ضحيت
ومو ذنبي اذا جاعو عفتهم
الجوع اجفوفه طالت ماله رداد
وهل البخت ماكالو بختهم
الجوع اهواي ضيع ستر نسوان
وعلى احساب الستر ماعيشتهم
ستر ولدي العليه اشلون انطي
اجوعهم كمت وشبع سترهم..







الشاعر صفاء الربيعي

[محمد الدون]

يسلمو جميل

[فقار الكرخي]

نورتو الموضوع

[حمودي الفرطوسي]

مؤلم

[حيدريه الهوى]

عاشت الايادي بنتضار جديدك

[Princess Nanoosha]

عاشت الايادي

[رغد العراقية]

عـاشت ايـدك

[علي الشمري]

عاشت الايادي فقار
شكرا

[ولاية علي]

عاشت الايادي

[فقار الكرخي]

نورتو الموضوع .