هنا

[¥محبوب$القلوب¥]

يـارب الاربـاب ** رجع إلي الغاب
انه ام البنين الحزينه
---------------------------
مـن رحل عني . وظاعت اخباره
ويــن ياربـي . صارت اديــاره
حسين ابو اليمه . لجـله محتاره
گلـبي لفراگه . وجـَرت نــاره
معروفه الاسباب ** يـارب الاربـاب
انه ام البنين الحزينه
---------------------------
أمــه واشتاگه . وبعُده أذاني
والله من شوگه . مـا امل اني
عني ويـن ابعد . ويـن خـلاني
ابـحبه يـاربـي . عـلي وصاني
هذا اغلى الاحباب ** يارب الارباب
انه ام البنين الحزينه
---------------------------
انـدعي يـارب . ارحـم ابـحالي
تـدري مطلوبي . اترجع الغالي
بـأربـع اولادي . والله مــابالي
حسين بس لجله . منشغل بـالي
دلالي منصاب ** يارب الارباب
انه ام البنين الحزينه
---------------------------
تـدري الـبگلبي . انـته خـلاقي
حُـبي وَثقـته . ابـدمي مـيثاقي
حسين ابو اليمه . يعرف اخلاقي
غيره ماعندي . يمـي لـو بـاقي
لجله الگلب ذاب ** يارب الارباب
انه ام البنين الحزينه
---------------------------
انــه يومــيه . اوگـف ابــدربه
حسبه تاخذني . وارجع ابـحسبه
فرگة اولـيدي . عالـگلب صـعبه
اسمه بخدودي . الـمدمع ايكـتبه
لفراگه سچاب ** يارب الارباب
انه ام البنين الحزينه
---------------------------
ينتهي اغيابه . ربــي يـاريته
گلبي من هاجر . يمـه خلـيته
حسـين مايرجع . انـه حسـيته
موتي من بعده . اشگد تمنيته
اشگد احمل امصاب ** يارب الارباب
انه ام البنين الحزينه
---------------------------
الناعي لن ينعه . وصوته جَرحني
ولنـه ابن حـذلم . جــاي يخبرني
بالله ياناعـي . اخبرني وين ابني
عظم الله اجرچ . گــال والـمني
ظل فوگ التراب ** يارب الارباب
انه ام البنين الحزينه
---------------------------
تمت والحمد لله
خادم الحسين حيدر تركي الكربلائي

[نونہ المجنونہ]

احسنت رؤؤؤؤؤعہ بارك الله فيك

[¥محبوب$القلوب¥]

احسنت رؤؤؤؤؤعہ بارك الله فيك

عفواً أختي نورتي الموضوع