انه بلياك گلبي شما نبض يبرد
ياشبّاك الفجر و الفرح مد الشوف
خايف لا تهب ريح الجفه و تنرد
يا اسود رمش هنيال لون الليل
لان وية عيونك كل عمره يتودد
شسولف عالحسن انته الحسن والله
وبستان الورد لولاك ما ورّد
يـٓ حنة مدلل ضحكتك تالي الليل
ويا طبع النسر بالزعل من تحتد
عودني اعله زعلك وانته ابو الزينات
بلكي اعله الصبر .. من زعلك اتعود
اليحبك شيحجي و شيسولف بيك ؟؟
يـ الـ كلك محاسن صعب تتعدد ..
ماگلك حلو بس تشبه الغزلان
يـ الحته خيالك ابيض امورّد
ماگولن گمر و عيونك النجمات
بس كل الي يشوفك تمر يتحدد
لا طولك فريد و حجيك امشهد
ولا بعينك مسافة وخدك شبه كل خد
ابتليت انه بمحبتك عمري ضاع وياك
يـ بستان الترف يا فجر بس اركد
يـٓ الأسمك سهل اوصعب حد الغيض
و متاهه لو ردت وياي تتشدد ..
تدري !! ع الوطن ردت أنشد أبيات
شفت حته الوطن من بيتي اتفرهد !!
طلعت أكتب حروفك ..يا وطن انشد ؟
حديث الساعة انت و عاجل الأخبار
قدس و إيهود .. حبنه شوكت يتوطد ..؟
.........
Pure
3:35 am
المشاركة الأصلية كتبت بواسطة سامح
