يا فاطمة يا فاطمة / لطمية للجواد(بحر طويل)
يا فاطمة يا فاطمة / لطمية للجواد بحر طويل
********************
يا فاطمة يا فاطمة
ريتچ حظرتي الجواد مسموم اليوم ابّغداد
********************
يا أم الحسن چم طف عشتي من بعد عاشور
وچم مجرم عله اهل البيت تسلّط غيّر الدستور
حد سيفة بمناحرهم وشيّد عالضحايه قصور
عاشوا هالعمر لوعات ونشعر بيهه من نزور
يا فاطمة يا فاطمة
كل يوم الموقف ينعاد مسموم اليوم ابّغداد
********************
بعد يوم ابنچ المظلوم حسين وما جره والصار
چنهم وقعوا ميثاق الخانوا بيعة الكرار
وگفوا ضدكم وسالت من عدكم دموم انهار
چم خولي وشمر ظهروا عادوا يوم ابو الأحرار
يا فاطمة يا فاطمة
راعي الوعظ والأرشاد مسموم اليوم ابّغداد
********************
هذا تاسع العصمه مثل ابنچ ثلث أيام
جثه اعله الأرض مطروح لا شيعه ولا أعمام
محد يعلم بحاله بعد ما صارع الألآم
المسلم من يحضره الموت تقوم بواجبه الأسلام
يا فاطمة يا فاطمة
بيه صابوا السبعه اشداد مسموم اليوم ابّغداد
********************
هالموقف يذكّرنه بموقف عالنهر مثله
سبط المصطفى واگع انجمعت أمّته الچتله
ونذكر گطعة الخنصر ونذكر فعلة النبلة
ونذكر عالفرات آلآف وآل المصطفى قلّة
يا فاطمة يا فاطمة
عادوا فعلة أبن ازياد مسموم اليوم ابّغداد
********************
حي ابن الرضا ما مات نشوفه بشوفة الگبة
شامخ مرقده للدوم ويسري بالحشه حبه
نبقه لاخر الأنفاس مانترك ذوي القربه
نتحمّل ألم واهول ونرضه بعيشة الغربة
يا فاطمة يا فاطمة
عاشت عدوانه بأعياد مسموم اليوم ابّغداد
********************
قاسم حسين المنــــــــدلاوي
رد مع اقتباس