عظم الله لنا ولكم الاجر بمناسبة ذكرى استشهاد سيدي و مولاي الامام محمد الجواد عليه السلام ...أبوذيتان في مولاي الجواد عليه السلام
اليكم بعض الابيات الشعريه بمناسبة قرب ذكرى استشهاد سيدي و مولاي الامام الجواد عليه السلام وللامانه انها منقوله
يبن الرضا .. والمرتضى .. ضاق الفضا
يبن رسول الله
روحي تنادي .. انت مرادي
يبن رسول الله
يبن رسول الله
**1**
عجيبه الزركَه ما طبكت عله الكَاع بسبب سمك
يبن طه النبي المخـــــــتار والزهره الجليله امك
رحت مسمومه تلهب نار جـبدك ونسفــــح دمك
بشبابك يا سنا التأريخ يا اسم المثل اســــــــمك
مثل ســــم الحسن سموك سمك واسه سم عمك
جعده الغدرت المســموم وانت ام الفضل يـــمك
دام ٍ فؤادي .. انت مرادي
يبنَ رسول الله .. يبنَ رسول الله
**2**
عمت عين الدهر ياريت يبن الزهره من صابك
انتَ الجدك الكرار .. ما هـــــــــــابه ولا هابك
انتَ الدنيه والاكـوان واجـــــــــب تركع اببابك
شلون المعتــصم ياذيك وانته التقوى محرابك
عسه انشلت ادين الجور من حـط رَحله بعتابك
وحــِرم من شوفتك مولاي اصــحابك و احبابك
دمعي مدادي .. انت مرادي
يبن رسول الله
يبن رسول الله
**3**
يبن بيت الرســـــــــــاله البيه جبرائيـل كل ليله
ينزل علنبي جــــــدك وحي امن الباري يوحيله
يمن قرآن اله الكــــــــــــــــون بيدك معنه تأويله
ليليه مثل جـــــــــــــــدك علي ابمحـراب ترتيله
عجيبه اشلون ابن هارون عليك ابحقده شد حيله
عجيبه اعليك يتـجره ومـــــــــــن نار الله ياويله
فحوى ودادي .. انت مرادي
يبن رسول الله .. يبن رسول الله
**4**
يناموس الكرم والجــــــــــود يالجفـــــك شبه غيمه
يمطر رحمه علوادم يــزيح امن الكَــــلب ضــــيمه
جبدك بالغدر سموه جهــــــــــــــــــــلوا منك القيمه
كتاب الباري يا مـــــــــولاي بسمك معنه حاميمه
واضح جوهر القــــــــــرآن من جودك اخذ جيمه
يمن في جامـــــعة حـيدر تربيـــــــــــته و تعليمه
انتَ عمادي .. انتَ مرادي
يبن رسول الله ... يبن رسول الله
**5**
يصب دمع الرزيه اليـوم بيه الزهره واسينه
والمختار والاطــــهار والكـــــــرار وحسينه
او واسينه القلم واللوح والكـرسي وموازينه
او واسينه الملايك بيك و العرش ومضامينه
يالفكرك عدل ما مات عايـــــش للأبد بينه
كّبرك شامخ وينزار وينه الحاربك وينه
اين الاعادي .. انت مرادي
يبن رسول الله .. يبن رسول الله
**6**
جواد اليمه والايـــــــــــام ثبتت ما متت خالد
بشبابك بالعمر ضحيت ماجد من صلب ماجد
للظالم فلا طخيت راســــــــــك يالولي الراشد
راسك ما يدنكَـ يوم بــــــــــــس للقاهر الواحد
والما شاهد انوارك اعمـــــه و ناصبي وفاسد
مثل هارون والمأمون مثل المعتــــصم حـاقد
هذا اعتقادي .. انتَ مرادي
يبن رسول الله .. يبن رسول الله
****************************************
ـــــــــــــــــــــــــ ـــــــــــــــــــــــــ ـــــــــــــــــــــــــ ـ
ملاذ أبن الرضا مكصود بلســـم
كضه أو ودع حياته اليوم بلسم
مو سمه العدو المذموم بل سم
كل مسلم يوالي أبن الزجيـــــه
ـــــــــــــــــــــ
لبو الهادي الحزن واجب يشيعه
جواد أو للعلم دومه يشيعـــــــه
خيعونه اليشيله والـ ( يشيعه )
لعد مثواه نبـــــــع الهاشميـــــه
رد مع اقتباس