درر العراق

فقار الكرخي · 23/September/2014

بالعشك متمني اذب روحي عليك
ولا تخاف ابحبي الك ما انفجر
انه بمحبتي الك تدري اشبنيت
والله بين اضلوعي بانيلك قصر
انه مومن هسه احبك من زمان
وما امل لو حبك ابطول العمر
وانه عفت الناس بس يمك بقيت
وانه بعدك ماردت غير الكبر
انه لحلامي صفن جنهن سراب
كون بحلامي اشوفك من تمر
انه مدري اشبيه احس يمك بجيت
وافرحت جي غطه دمعاتي المطر
انته لو تعرف عليك اشكد اغار
جاشفت حبي عليك اشكد خطر
انه ليسموني مجنونه بهواك
يعني من اتعوني انه انتحر
انه مثلك دورت بس مالكيت
الهالسبب راح ابقه اتانيك العمر
انته من ياطينه ربك كملاك
والله طينك يختلف عن البشر
انته طينك ما اضن من التراب
طينتك يمكن ذهب بس انفخر
انته من الناس متكلي اشتريد
دوختهم كافي لا تكتب شعر