مو كلمن تشوفه اتكول رجال
مو كلمن تشوفه اتكول رجال
ولا كلمن صعد عالخيل خيال
اكو يشهدله موقف يوم عاشور
من هد عالزلم وشلهم اوشال
اكو غيره اخذ من صاحب الجود
هذاك الغيرته ايسموهه زلزال
من هد عالشريعه او شايل الجود
خله الكاع حمره ابسيفه من صال
كض جيش الكفر كومهم اكوام
وصاحو هاذه حيدر بعده لا زال
هاذ ابن الصميده او اسمه عباس
ما يعرف غدر يتكابل اكبال
اذا رف شاربه اكباله اليجي اتطيح
واذا يضحك ضحكته ابكبر الهلال
اخذ هاي المعاني او ركز اوشوف
بس العنده هيجي هاذه رجال
حمال العلم من شاف الحسين
وحده ابلايه ناصر تعرف اشكال
كل لحسين رايح خويه اوصيك
اريدك تعدل انته الكون لو مال
وحق الكفل زينب رجفت الكاع
ومن الخوف صارت مثل التلال
مستحيه القصيده ابوصف عباس
وبس هاذه الاجاني وصار بالبال
كافل زينب انته احتار شكتب بيك
وسفه اتطيح مرمي او فوك الرمال
جبل انته جبل دوخت بيك الناس
مو كلمت شعر وحجايه تنكال
انته الكون عندك صار كونين
من ضعن العقيله حمل او شال
انته ابلاجفوف اوضال مطروح
وشفت النار من شبت بالعيال
وزينب من شفتهه ابئسمك اتصيح
معذورانته تدري او تدري بالحال
رغم سهم الكفر طفا لك العين
عينك عالعقيله امنجه الجمال
انته اللي جبتهه اويامن اتروح
موقف هاذه طيح حته لجبال
يضل اسمك فخر من الله مرفوع
ومكتوب ابعلم ويرفرف ا جيال
الشاعر الجنوبي عباس المدوح
رد مع اقتباس
