يهلال الحزن تطلع تمرمرني....... عليمن ابجي من اذكر تحيرني
******************************************
على حسين النزف دمه على غبره ..... على ضلوع بلحوافر خيل متكسره
على سهم صاب بقلبه وبنحره .......على طبره بلحجر لو رمح بلخصره
أيا هلال الجروح تهل تذكرني ....... عليمن ابجي من اذكر تحيرني
**************************
تطوف بدمعتي صوره كمر وينه ....... على جرف النهر مكطوعه جفينه
تهيج احزاني من اذكر سهم عينه ......على جرف النهر غاب وكطع بينه
احن وشتاك فراكه تعبني....... عليمن ابجي من اذكر تحيرني
****************************
رضيع ضماه جن لايح على عيونه ...... اصد عليه متغير شفت لونه
سركو بسهم المنيه ويذبحونه...... أثر لحسين ظنهم يخلونه
ودموعي الحفرن خدودي وجرحني......عليمن ابجي من اذكر تحيرني
***************************
شفت معرس خضابه منه يسيل دمه......ورمله الفاكده بألم يمه
يذخر ايامي تنحب امه وتشمه ...... دكله يمه يوليدي اصبحت ظلمه
يهلال نوايب كافي تذبحني..... عليمن ابجي من اذكر تحيرني
*********************
تزيد هموم كلبي بعد اكثر....... سيوف الطبرت جسمه علي الاكبر
هدم حيلي امصابه لوعه المنظر ....... صرت يهلال على ذكره ماذكر
تهل احزاني ويه شهرك تلوعني .....عليمن ابجي من اذكر تحيرني
***********************
لي الشاعره شهد المعموري
رد مع اقتباس
المشاركة الأصلية كتبت بواسطة فقار الكرخي
