عيون امي بحر واسع يفيض بطيب***وموجات الحنان عليه تناغينه
وكلب امي دفــو كل الربيع يشيــل* * * لو ضكنا البرد طش الدفو علينا
وحضن امي امان وامن يخسه الخوف**لحضرتهه ويكف مايجسر علينا
ووجه امي الشمس لو طلع كل الكون* *نوّر والصبح منه انتشر لينه
امي اول ملاك عرفته من دنياي * * *منهه تعلمت تمجيد بارينه
وحبيت الصلاه كد ماشفتهه تقوم* *وكرهت الجذب كد ما توصينه
وخاويت اليتاما جي شفتهه بيوم* *تبجي عليهم بمدمع يحز بينه
هاي امي شتريد تكول كل الطيب* * لو صنعة يد الله ومرسلة دينه
شفت داعي لعبادة ربه بين الناس* *نتبع دينه هيج بصمت يدعينه
حمامه من الجنان تنزلت عالكاع* *رسول تنزلت بالحب تربينه
ماناطق كفر لاكن محمد كال* *تحت اقدامهه الجنه تنادينه
رد مع اقتباس
