.
.
انتــــه كاس العــــالم انتــــه المونديــــال
واحنــــه جمهور ونقسم لك قســـــم
كلشي بيــــك نشجعــــه يخسر او يفوز
يعني اكَولك حتى شجعنــــه الحكم
ـــــــــــــــــــــــــ ــــــــــ
ماكَولك احبك بطلت مليــــت
لأن كلمة احبـــك زيدت نوحي
ومو معناه اكرهك لا ولك مو هيج
راح انوب اكَولك يابعد روحي
ـــــــــــــــــــــــــ ــــــــــ
انه ويـــاك بـــ عشرتي انطيتــــك سنين
انطيتــــك روحي وعيـــــوني هديـــــة
بس انته بـــ عشرتك كَولي شنطيــــت ؟
مرة انطيـــت .. بس انطيــــت بية
ـــــــــــــــــــــــــ ــــــــــ
ترهدن بـــ المشي من تمشي بين النـــــاس
يـــ المشيك يلوكَـ بـــ مشية القــــادة
بس حسب احســــابك من تمر وتفوت
ألتفت شوف الوراك احتركَو اجداده
ـــــــــــــــــــــــــ ــــــــــ
من اتكَولي احبـــك مو حجي لســـــان
تعـــال اثبتلي بله شلــــون حبيــــت
لأن انــه بــ محبتي عندي إثبــــــات
اذا تنطيني سم انطيـــــك جكليــــــت
ـــــــــــــــــــــــــ ــــــــــ
عليــــك الله ألتفت خليـــــــني اشوفك
ولو لحظــــة بـــ حيــــاتك حطني ع البـــــال
يــالطولك مثل مدري مثل من ؟؟
لأن مــــاكو اليشبهــــك بين الاشكـــــــال
ـــــــــــــــــــــــــ ــــــــــ
عشنــــه فقـــرة وأبد مانمتلك بيــــت
واذكر أمي من زغرنه مأجرة دار
ولأن ع البــاب كاتب ياحسيـــــن
البــاب كل راس الشهر يدفع اجـار
ـــــــــــــــــــــــــ ــــــــــ
وصل حبي لك حد ماهو معقول
بحيث وياي انته واني مشتاكَــ
تشابكَني وتشاقيني واشاقيك
واصيح الله اكبر بسك افراكَـ
ـــــــــــــــــــــــــ ــــــــــ
شعجب طعم الاخوه بـــ هالزمن راح
ويضنون النحبهم عدنه غاية
مو احنه النصاحب لاجل غايات
احنه اصحاب موقف للنهاية
ـــــــــــــــــــــــــ ــــــــــ
اذا صابك جرح يعني اني مجروح
واحد صرنه احنه جروحك جروحي
واذا رايد احضنك سهلة مامحتار
لذلك كيفت كمت اجرح بروحي
ـــــــــــــــــــــــــ ــــــــــ
رد مع اقتباس
