هنا

[فقار الكرخي]

يمة البيت وحشة وليش ماجيت
يايمة أعله بختك ترحل شلون
وليدي دموع ثكلى الصبت أعليك
تون وتنوح مو مثل الينوحون
اذا دمعاتي نشفن فوك الخدود
اظل عليك اصبن حتى الجفون
ولا ريدن عيوني ونورهن راح
وهيه بلاية نور شتسوة العيون
صاحبت المكابر ياضوة العين
ترجعك يمة الي وية اليرجعون
دللو يالولد ماتسمع الصوت
دللو حظني وحشة ورايح الحيل
خذاك الموت غفلة بيوم ردناك
يوم الطاح حملي وردتك تشيل
صارت غاضرية اديارنة اليوم
وعلى اصدور الشباب ادوس الخيل
حركة كلبي زينب يوم عاشور
وحيدة بلاية اهل وبلاية كفال
عليك احداد علنت يمة الطيور
وطفة لون الحدايق مات الهلال
والابطال الي كبلك رضعت الموت
من عندك خذت تسميت الابطال
رادوا صورتك صحبانك شلون
تدري بصورتك مرسومة بالبال
على هام الترافة احساس مطبوع
أذا انطيهه يعني البال ينشال
سهلة هواي عندك طيحتك هاي
ولو طايح أعرفك واكف اتيطيح
ترة شراع السفن ينذل للرياح
وتخضع لأمر جفك هبت الريح
تصيح أبير صوتك يرجع اعليك
اذان الحق فقط تسمع من تصيح
هاي امك تناشد عتبة البيت
وتعاتب بثر جدمة تشم بالتراب
صاحبت الحزن واتسلة بالظيم
وتكسر غصن كلبي بغير حطاب
مو بس الشعر شيب بالفراك
عليك جفوني شابت والكلب شاب
اطلبنك رباي وهز كواريك
واطلبنك شبابي الصار منعاب
جا كلي شيصبر دمعتي اعليك
ياحزني وفرحتي واغلى الاحباب
كله البيت ينطر صاير عيون
ولأن ماجيت سالت دمعة الباب؟؟؟؟؟
اصطفاني الموت ريتة مصطفى ابني
بصفوف الضحوا النة مصطفى ابني
بعلات الصوت صاحت مصطفى ابني
خذاك الموت يايمة من ادية؟؟؟؟

[ابو العبدالله المبارك]

تسلم ايدك الي كتبت الكلمات الروعة

[abas satar]

رؤؤؤؤؤؤؤؤعه

[محمد ألعبادي]

رووووعه
عاشت الايادي

[عازفة الامل]

شكرااا لك كلمات جميله .. الله يصبر قلب كل ام فقدت ابنها

[دُعےـــآء]

احسنت

[القيصر الحزين]

حلوه

[¥محبوب$القلوب¥]

عاشت أيدك

[الشاعر علي البدري]

الله عليك حبيبي الغالي

كبرك وينة
جاوب يمة
والزم بترابة واشتمة
اترابة الكبرك صاير بيدي
فرحني وسولف يوليدي
سولف واحجي لو بس كلمة
وينك يمة
""""""""""""""""""""
لزمت اتراب كبرك يمة شميت
عطرك بعدة بي من يوم لوليت
جنت شمعة حياتي وشمعة البيت
هسة انتة عفتني الوحدي ضليت
يمة افراكك هدم حيلي
من بعدك ياهو اليحجيلي
بس عطرك كل ساعة اشتمة
وينك يمة

[فقار الكرخي]

مرور طيفكم الراقي يرسم الابتسامة على وجهي
أشكركم لحضوركم الجميل لكل جديدي
و لردودكم الرقيقة التي تزيد حروفي وكلماتي
جمالا ساحرا و عبيرا ورديا
دمتم بكل الحب والخير
في كل لحظاتك الجميلة
تشكراتي و احتراماتي