هنا

[¥محبوب$القلوب¥]

بالحومه سيفك من زعل .. أذن
حيـه علـى خـير العـمل .. أذن
صوته يرعب سيفك ** يـاگـمـر وبـكيـفك
-----------------------
الموت أقبل بالطفوف وحارت الناس
بالمعاره صـوت ماكو انكتمت انفاس
اليوم عزرائـيل اجاهم مدري عـباس
عاشو ابكابوس مـرعب كله وهواس
ابوهواس عاشـو وبقهر .. منك
جيـش ال اميه امننكسر .. منك
هذا بس مر طيفك ** يـاگمـر وبكيـفـك
-----------------------
خوفهم سيطر عليهم عـدهم اسباب
اليوم حل يوم القيامه يـوم الحساب
سيفك أذن للحساب وچـم گلب ذاب
يالله ياعـباس ابـدي وحـصد ارگاب
الحرب بيدك والسلم .. بيدك
اليوم حل موت الزلم .. بيدك
انته تاخذ حيفك ** يـاگمـر وبكيـفـك
-----------------------
عـن وجـه زينـب حـزنها يمـته يـنزاح
جــرد الفــقار بيــدك حــتى تــرتاح
گـلها ملك المـوت انه واقـبض ارواح
ابهالجمع مايضل واحد سيفي لو صاح
هالسيف سيف المرتضى .. حيدر
واليــوم راويــهــم لـَظه .. حيدر
الله شايل خيفك ** يـاگمـر وبكيـفـك
-----------------------
الجيش من شافك اجيت الكل تكدر
صاحــو امنيـن اعتـنانه عـلي حيدر
اليوم رد بالنهـروان وعــيد خيــبر
تـقلع الجـيش ابيمـينك انــته تگدر
هالجيش يابو المرجله .. شيله
ولايبقه لحـظه ابكربله .. شيله
ويلي لو صل صيفك ** يـاگمـر وبكيـفـك
-----------------------
ابهمتك هذي العـساكر حاربتهم
والله ماهمو دليلك من شـفتهم
انته سبعين الف وحدك ارعبتهم
ابصيحه وحده بالـبراري فرقتهم
هالجيش كله يستمع .. صوتك
زلزال نازل عالجمع .. صوتك
الحيدره تعريفك ** يـاگمـر وبكيـفـك
-----------------------
العلگمي هذي العساكر من تحده
والله عـزمك يـبو فــاطل مـاترده
والـي رادت ياگمـر دربـك تـسده
ابشده من شافوك همه بالف شده
هالجيش منــك ماعــرف .. راحه
والسيف من عدهم خطف .. راحه
گله عارف زيفك ** يـاگمـر وبكيـفـك
-----------------------
انـته وحـدك للشـريعه حاصرتها
والله كل هاي العساكر أسرتها
شهـم متهاب الـمنايه وماهبتها
تحت رجلـينك جـبتها وركـعتها
جيش ال اميه فرقت .. جمعه
وبسيفك انتــه أرقت .. جمعه
هالجمع مو ضيفك ** يـاگمـر وبكيـفـك
-----------------------
ابجـهدك انـته حررتهـا الغـاظريه
لـچن طبـع الغـدر بيهـم ال اميه
صـوبوك وصـوبـو زينــب سويه
ولن على الغبره طحت انته رميه
الله يساعدها الاخــت .. زينب
من انته عالغبره طحت .. زينب
ترتحل وتعيفك ** يـاگمـر وبكيـفـك
-----------------------
تمت والحمد لله
خادم الحسين حيدر تركي الكربلائي

[المحاميه شهد المعموري]

قصيده رائعه

[¥محبوب$القلوب¥]

قصيده رائعه

مروركِ الاروع شكراً لكِ