الزمن ما غيراني ((بقلمي المتواضع ))
الزمن ماغيراني اطباعي تشهد هاي
بعدني انة اعلى وضعي والمن اتغير
ماحافظني اصلا تبقى غلطان
اضل شاطر اكلك لية ماتكدر
ايامك الضاعن كلها من ايديك
من تزعل علية وترد تتبختر
صح انتة عفتني لية ترجع ليش
وفوكاها علية اليوم تتشطر
كالولك اتركة وعني رحت ابعيد
شو رديت اللي وجمالة تتعذر
كل ضنك اطيحن من عفتني ابيوم
جا رجليك كلي اشبيهة تتعثر
اضل امشي اعلى طولي اكبال كل الناس
وعيني اعلى الارض مو خوفا اتحذر
مو انة الاطيح اكبالك ومرعوب
جذوري الخضرن مثل الورد ازهر
اجة اليوم وكلتلك عني روح ابعيد
اشراعي ماوكع والهسة ضل يبحر
بقلمي اخوكم علي البدري
22/9/2014
رد مع اقتباس
المشاركة الأصلية كتبت بواسطة القلب المحطم
