بعد ان تم اختطافه من قاعده سبايكر وعند احتجازه هو وثله من اصحابه في مكان مظلم كان لديه هاتف قد أخبأهُ عن عيون الجزارين.. وعند سكون الليل اتصل ليسمع صوت امه... قبل ان ينحر...
ها يمه دعائج وين..؟؟!
يمه للعباس شيطي
وللحسين...
يمه شيطي شبيج
ساعاتي جريبه
يمه نمرش رگبتي
مو مال سيف
يمه داهنهه بحنانج والحليبه...
بيه واهس للعشگ... مو مال اموت
المثلي كون ايعيش بحظان الحبيبه...!
يمه حلگي اشلون ما يچهب اديج؟
يمه اذكري ايامنه وضحكاتي ذيج
يمه ما رايد لطم
رايد دعاء
يمه صلفه سيوفهم ميردهه زيج..!!
يمه ابوي يحبه ربنه چي فقير
يمه شديلي علگ بعگال ابوي
يمه اذكريني بصلاتج
ااااخ لو هسه اشم ريحة عباتج...
يمه اذكر من رحت رشيتي ماي
يمه مايج ليش مخبوط بوداع
وچن احس ادموع رشيتي
بگفاي....
يمه انتي الوالده المتروسه هيل
(يمه رد لتروح) ما صحتي وراي..!!
ذوله اجو بسيوفهم چهبوني
چلمة اخيره احچيهه اذا ذبحوني
يمه رايح فدوه لا تنسوني..!!
(منقول)
رد مع اقتباس
المشاركة الأصلية كتبت بواسطة أسد بابل 2
