عالباب علكني الصبر
عالباب علكني الصبر
منتضر جية احبابي ...
حد ماصفينه من الجرح
نتشابه انه وبابي
من يوم ماراحو أمس
بعيوني موتت الشمس
والليل ذاك الماركع ....
ضل يركع بمحرابي
الدمعه بالشارع ضوى
وبليل خدي اتبسمرت
نيشان علكها الهوى
خافن جدمهم تيهت
كل ضنها رجعو مابقو
بس تيهو غيابي
خطوات روحتهم جدم
سجين تمشي بروحي
والهلسبب صارت كبر
بعد المسافه جروحي
كل ضني لو طالت شهر
ما أدري غيبتهم عمر
وأحسب وأشوف الصح غلط
وأرجع وأعيد أحسابي
درب الخذاهم يادرب
وكلوبهم عدهن كلب ؟؟؟
عافن جرح داوى جرح
ومصاب واسى مصابي
بترابي ادوّر عن أثر
اذكر جدمهم بي عثر
شارع على الشارع طحت
وتراب فوك اترابي
مفتاح رجعتهم عتك
والغير جفهم ماعشك
ليهسه بشفافه حجي
من اعتابهم واعتابي
الشاعر احمد الذهبي
رد مع اقتباس