روحي يدنيه تمرمرت ...... بولادي هسه تصوبت
مارد ضعنهم .... والروح اليمهم
........................................
والله يادنيا تعذبت ايامج ثكال........ عندي جبل من صبر هد الجسم مال
جن الزمن يمي وكف أيامج طوال........ وعدني حبايب بس صور راسمهن خيال
جن ليل صرت بلا صبح ...وشعدج وياي.....لو اغفه فززني الجرح..وشعدج وياي
طول بعدهم .....والروح يمهم
.................................................. ....
أرسم فجر فوك الرمش وعيوني ليله ..........ووناتي اذنت بلجرح وانه عليله
على ضعنهم من رشد سفرتهم طويله .......مثل الغصن انه اصبح نسمه تميله
اتنفس احزان وعلل...وشعدج وياي.........لا حسين رد لاكافل..وشعدج وياي
شباقي بهم ...والروح يمهم
...............................................
أرسم كبور على تراب واسكيهن بدمعي.......... خضرت جروح وأثمرت بحزان ضلعي
شجوه قلبي بلقهر والهفه طبعي...........والروح ذاب من ذبل ياناس شمعي
ماردلي من عدهم خبر...وشعدج وياي ....شنهو نهايه هل سفر ...وشعدج وياي
تبكه صورهم .......والروح يمهم
.................................................. ......................
يادنيه حتى الصدر يتنفس جروح.........لحسراتي ذارت الهوى مهمومه وتنوح
ونات نامت بلقلب....لولادي متروح......لا رايه الهم بلافق بعيوني تلوح
احسب ثواني الصبر....وشعدج وياي ....كل لحظه قلبي ينفطر..وشعدج وياي
شنهو خبرهم ...والروح يمهم
........................................
لي الشاعره شهد المعموري
رد مع اقتباس
المشاركة الأصلية كتبت بواسطة نبضاتي عراقيه
