هنا

[ناصر اسماعيل الموزاني]

{مات الشك}
.............
مات الشك
شلت نعشه...
وشلت نعشك
ومن گلبي....
صدگ شلتك
چذب مونغمه....
بشفتك تغنيلي
چذب مو همسه...
بعيونك تناديلي
چذب عينك...
چذب شفتك
مات الشك
@@@@
براكين أشتياقي...
خمدن ونامن
ومواويل لبگلبي..
من الغنه صامن
شفتك جنح ...
شايل طير
شفتك ورده..
بيد الغير
وبايدي نسيت...
شگد أنه شلتك
مات الشك
@@@
جنت متامل..
بضلعك تشد ضلعي
چنت متأمل بخدك ...
تصب دمعي
نسماتك چذب طلعن..
ماحركن راياتي
وعيونك ولا مطرن...
ولا بللن ورداتي
طلع دمعك ...
دمع شمعه
طلع دربك..
درب خدعه
چذب انته ...
وچذب دمعك
مات الشك
@@@@@
كلمات
ناصر الموزاني

[♡zαняαα αℓтємємι♡]

يسلم قلمك ...رووووعة