ياهو الشكيله ؟
اوصير امرايتي …
وبوچه يا بير افرع احچاتي …لا تگلي تهون _
انه مفـارگ عزيز _
دنت نفسي وما كلت تفاحتي …طشرت دمعي !!
بوگت لدمعة صـيت
وهسه ادور ادموع تشرح حالتي …ياهو المضيع دمعته اعله اليصيح
گبل لا شوفنها اصيحنً مـالـتي …اچفوفي ثگلن ؟؟
غير تارسهن دعاء
والله خايف لا تعثرگ شارتي …" من فرض لثاني
اخضره من دموع "
مـا تلحـگ تنشـف مصـلايتي …انه اشبه جرحي ،،
كل ساعه بمكان
انه بس وي جرحــي مـا خذ راحتي …بيه طبع البدوي '
ما صاحب مكان '
اصير ياصحراء اطـبها اولايـتي …(( عقرب الساعه شكثر گارصني شوف
مـن اواعــد طبعـي ابــات ابسـاعتي ))انت آله الحب !!
وانه ابدينك رسول
وابنـي بيتـك ويـن تگعـد نآگتي …
رد مع اقتباس
