قصيدة حسينية مكتوبة (( زينب أنة ))
قصيدة حسينية مكتوبة (( زينب أنة ))
زينب انة .... زينب انة ..... أسمي صار أم الحزن
زينب انة .... زينب انة ..... عالحسين أبجي وأون
رخصت دمعي الجان غالي ... يادهر أرحم بحالي
يادهر أرحم بحالي ....
أنة زينب يادهر بسك عذاب ..... حسين أخذتة وكلبي أنصاب بمصاب
راح من عندي الوالي وشنطي جواب ..... للنشدني وكال زينب وين تالي
يادهر أرحم بحالي .......
يالتناشدني عليماً هالسؤال ........ أنتة ماتدري بوضع ساكي العيال
مكَطعة زنودة ودمة من عينة سال ...عالنهر واكع ونة الهم اعتنالي
يادهر أرحم بحالي ..........
أنة اخت عباس مكطوع الزنود .... الماي ماردناه بس ردنا يعود
ياوسف صابوه لعداء بعمـــــود .... وحصل لية الماتوقعتة وجرالي
يادهر أرحم بحالي ...........
جنت أفكر انسبي شي مستحيل ..... بزود اخوي حسين ابن حامي الدخيل
راسي عالي ومحملي ماظن يميل .. ياوسف يطبع الزمن غدار تالي
يادهر أرحم بحالي .............
بعيني جم منظر شفت منك رهيب .... حسين وحدة ينادي هل ناصر يجيب
بس حرم وأطفال وايتام الغريب ..... بس عليل البقة لحسين وصفالي
يادهر أرحم بحالي ............
مارووه الماي رووه بدماه ..... طفل صاح من العطش يازمن اه
سكنة نادت وين عمنة وبحماه .... جيت للطف ومشيت براس عالي
يادهر أرحم بحالي .............
عالنهر مصيوب أبو الفضل الكفيل ... الكون كلة بعيني أظلم صار ليل
عكَب سهم النايبة ونار الدليل ........ صرت مسبية عكب خدري ودلالي
يادهر أرحم بحالي ...............
تمت بعون الله
لي .... أحمد الكَرعاوي
2014-5-8
رد مع اقتباس
المشاركة الأصلية كتبت بواسطة فهد الزيادي
