هنا

[¥محبوب$القلوب¥]

حماي الدخل يا حسين * كل الوادم يشهدون * بر وبحر مو منكور * جن وأنس يعترفون
بس وحدة يا بو اليمة * العكل من عندها ظل مذهول
شلون انهضمت سكينة * سكتْ ولا قلت بحماي

حســـــــــــــــــــــــ ـين يا حسين يا حسين حســـــــــــــــــــــــ ـين يا حسين يا حسين

عزيزة كلبك وجتك *شلون الشمر يدناها
روعها واجت يمك * وأنت تسمع ابجاها
من الخوف لاذت بيك * غير يكون تحماها
تناديك برفيع الصوت * يا بويه ويا بعد جلاي

حســـــــــــــــــــــــ ـين يا حسين يا حسين حســـــــــــــــــــــــ ـين يا حسين يا حسين

يا بويه من كطع راسك * ومن هو السلب اثيابك
يا بويا غطى كل مصاب * مصاب الما جرى مصابك
عسى بعيد البلى مخضب * ومن فيض الدمى خضابك
كبل ماشوفك بهالحال * يا ريت انعمت عيناي

حســـــــــــــــــــــــ ـين يا حسين يا حسين حســـــــــــــــــــــــ ـين يا حسين يا حسين

عمت عيني ولا شوفك * ذبيح ويجري دم نحرك
وأنصارك وأهل بيتك * ضحايا امطرحه بكترك
يا ريت اتعقرت هالخيل * ولا جالت على صدرك
يا ريت الموت أخذ عمري * شلي ابعمري عقب ولياي

حســـــــــــــــــــــــ ـين يا حسين يا حسين حســـــــــــــــــــــــ ـين يا حسين يا حسين

شلي ابعمري انقصف عمري * وعمري بذل عسن لا طال
كنت محجبة بخدري * ولني مجتفة بحبال
بين اخوتي بهيبة وعز * ولني بين قوم أنذال
بالبل طوح الحادي * مدري بيا كتر منواي

حســـــــــــــــــــــــ ـين يا حسين يا حسين حســـــــــــــــــــــــ ـين يا حسين يا حسين

يا بويه جن صار الصار * وعطشان الكفر ذبحوك
ليش بهالشمس عاري *و ليش بجفن ما لفوك
ليش على الرمح راسك * ليش بلا دفن عافوك
ليش تسلب حجابي * صرت أتستر بيمناي

حســـــــــــــــــــــــ ـين يا حسين يا حسين حســـــــــــــــــــــــ ـين يا حسين يا حسين

ردت أنصب مناحة اعليك * ليش الكفر منعوني
ليش عيوني من تدمع * بجعب الرمح ضربوني
ليش أقطع دروب ابعاد * عنك غصب مشوني
أي والله يا بو اليمة * جرعت الحنضل من عداي

حســـــــــــــــــــــــ ـين يا حسين يا حسين حســـــــــــــــــــــــ ـين يا حسين يا حسين

للشاعر الشيخ باقر الخفاجي

[جْــيْــكـــي'ۦ، 'ۦ]

شكراً لك صديقي

[¥محبوب$القلوب¥]

شكراً لك صديقي

عفواً نورت أخي