أشجابك اعلى الكمر وتكول جفك طول
وأنت الي ظلك حبل عاكد ركبة الشمس
خايف ترد حالتك و ينطبق بيك المثل
السعفه من تنتهي يذبها الوكت عالكنس
أعصر غيومك عصر ، ومطرها لا تنتظر
وحط جربه من كصتك وأمسحها من تنترس
كعبه الوكت للصغر و يطوف بيها الأمل
ولا تضحك لدنيتك وأنطيها مكفه الظهر
الأمس نفسه أمس واليوم يصبح أمس
والدنيا مثل الهوا من يابخت تنلزم
حسيت من مشيتك ناوي اعلى نية ركض
وأسألتك بلا خجل رديت راح أنهزم
الخيل تصبح فلت من تنترك بالحقل
بس تصحى من تنركب لو مرها طاري الحزم
طول الخلك للقصر وقصر الخلك للطول
والدنيا تفتر عكس القزم شال القزم
والطويل شال القزم وأثنينهم بالحفر
ناوين طبوا كهف بس طلعوا اعلى الكفه و وجه تمشي عكس
أسحب توالي الهوا وبجيس حط النفس
وطلع النفس للهوا خليها تصحى بنفس
رد مع اقتباس
المشاركة الأصلية كتبت بواسطة sawsanmahmoud
