اذا تسأل طفلنه شلونك ؟يكول
إذا تسال طفلنه ((شلونك)) ايكول:
يعمي شلوني وهل شاب راسي
فطنت اعله الحروب وعوز وإرهاب
ورضعتني بثداياها المآسي
وشفت وادم اذا تتخيل الميز..
اعله ربه من تنشده يكول ناسي
مستقبل وطن ميهمه لو راح
عنده البوك بس همه الاساسي
واذا هيج السياسة اتخرب الناس
اذن.... من حقي اكره كل سياسي
نضل مثل ماالله خالقنه
نعيش احرار حتى بلا جناسي
الوطن يحترك كله وللسمه النار
يطفه شلون..؟ بالحجي الحماسي..!؟
عفانه اشكد حملنه اجروح واهموم
ثكلهن يفصم اظهور الرواسي
اخو يكتل اخو.. والاجنبي يصول
ونتذابح على الكرسي الرئاسي
الف رحمه اعله ابو العامل وفلاح
والا تبا على السوه الكراسي
المايخلص الشعبه اتدوسه الاقدام
واليخلص اخليه اعله راسي
رد مع اقتباس
المشاركة الأصلية كتبت بواسطة رافد .
