*****
عيدت كل البشر وانه بقيت
وكلبي ينطر جيتك من شافك
اني مشتاك ارد ابوسك يالحبيب
واني قبل البوسه اعض اشفافك
****
اني من الفجر طالع للصلاة
وكمت اصيح ابصوتي وي اليكبرون
عمي دطلع ليش خاتل مو حرام
الناس صدكني بشوفتك يعيدون
****
هلال العيد هل وانته ماجيت
ليش وي الفرح تبقه انته غايب
تعال الخاطري راسي انترس شيب
ومن فركاك صرت اني شايب
****
عيد انت صرت وشلون اعيد بيك
اذا فارض عليه دوم ماجيت
****
عيد اني صرت وانته الصرت ونتة حجاج
يمته انته تروح وافرح بعيدي
****
اشوكت يكولون باجر عيد
حتى كبل الناس ابوس اشفافك
****
اذا ماشوف جيتك جيت اهلال
على ياسا اكَولن باجر العيد
****
توجع يليل العيد طكك بالعظام
ظالم قطارك ليش ما حمل ايتام
****
طفل جاع اعلة صدر امة شتذبلة العاب
هو الماتت امة اتسكتة لعابة ......
****
أسف قررت راح امسح العيد
لأن بارض العراق الكل يتامى
****
فرق بين اليتاني يصبح العيد
للزوراء ياخذ اهله كلهم
وفرق بين اليتاني يعيد دموع
لان بالنجف راحو كل اهلهم .
****
لأن بس عالمگابر عيد الايتام
ابد ماكو ازدحام عله المراجيح
****
يالعطرك مصيبه وصاطر الناس
تخدر حقهه توكـَع كل البيوت
مايحتمل بيتي ومبني من طين
ظم خصرك أذا من بابنه أتفوت ..
أعيونك حارشني وعالن أوياي
لأن شافني وحدي نصبن أحراب
ردت من عدهن أشرد لاكن أشلون
حته الباب شفته أمتيه البــــــــاب.
الفرح ماينطي من روحه
وحزنه أبوابه مفتوحه
أبو المرجوحه چي ماعدنه شي ننطيه
أجانه العيد بس ماجاب مرجوحه !
غلطنه أوياك مـــــــره وما أجيناك
منتضرين مــــــــــنك بس تجينه
جيتك عيـــــــــد عدنه بكل الأيام
مــــن رخصت حضرتك مر علينه .
أوج كلي شمع وأطفيلك أبخور
أحني أچفوف أديه أشلون ماأريد
أگلك بيك أشوف الخير كل عام
لأن أنته حبيبي الــــــــعيد للعيد
وجيت وطفيت وعيني للباب
تانيتك تجي ودربك لزمته
تناك العيد حته أيجيبك أوياه
أجه يگلي شجاه خليهه سكته
لأن تشبه العيد الناس شافوك
گاموا عيدوا كل ظنهم أنته
أدورك بالوجوه وزحمة الناس
روحي أمفرفحه وتفكيري هايم
تدورك عيني حته أوي الفراشات
تلمحك ياسراب أويه الحمايم
أچذبهه وأگولن بعده ماجاي
لأن لو جاي ماظليت صايم .....
الناس وعيدوا شمتاني ظليت
أعد بسنين عمري وماكو عيدي ,
شنو يعني تعيد كل الأسلام
أظل أبينهم أحسب عله أيدي !
لو عنهم أتكتر من يعيدون
وإذا سألوني أگللهم يزيدي ؟
منقول
رد مع اقتباس
.. شنو بالعراق صار عددكم عيد