فلتقل عنه جنون ....فهذا دمع العيون
فجنوني قد دنى .... عابس صرت انا
.................................................. .....
من أجي بلمه شباب وأعبر دروب الخطر ...... أذكر ضلوع الحسين وكافله يم النحر
واتبع اثار العقيله السالت دموع القهر .....هم كل صومي وصلاتي ودعائي البلسحر
انهم جرح عميق .....وجنوني لن يفيق
انني دوما هنا ... عابس صرت انا
.................................................. ...
كربله مو كاع صارت هلوريد وهلقلب .......... هلفكره صعبه تغيره وجان على كبالك صعب
حاول وياه طغاة واذكر شسوه الحزب....عليك واجدادك علنه بدمعه حسين الحرب
نحن قربان السماء......حين سالت الدماء
جنة الله لنا.....عابس صرت انا
.................................................. ............
عندي هلروح اقدم ياريت اغله اقدمه ..... واقعه طف الحسين ارسمه صرت من الدمه
جم نهر يروي غليلي وابكه لحسين بظمه ..... بساعه المحشر اريدن تلقطني فاطمه
فرضا الله بها .....نظره الكون لها
شيعه الله بنا ...عابس صرت انا
.................................................. ....................
هلجنون جان تدري يأكد عليه الشرع ....... بيه افهمت العقيده ولاصول ويه الفرع
مثل عباس ميهمني هلنحر من ينكطع ....... بينه كل شيعي يكافر حب ابو اليمه طبع
انه نبع الحياة .....انه نهر الاباة
دمعي بلعشق فنا ...... عابس صرت انا
.................................................. .....
الطم معناها اواسي زينب بحز النحر.....شلون ماالطم واحس ينوح ويايه الدهر
بلحسين انه اواسي وسابع الحزن بصفر......ذالك ابو محمد اخوهه جبده بلطشت انثر
زينب رمز الاباء ....... رغم اطواء البلاء
ولها الصبر انحنى .... عابس صرت انا
........................................
لا تشهرمو فضيحه من اطبر هامتي...... انته جاهل بلعقيده شلون تعرف غايتي
اواسي هليوم بدموعي حسين واذرف دمعتي ....ودمي فدوه يروح لترابك يغالي
فكد كيدك يكافر ..... لاتغير مذهبي
مذهبي طه بنبي....عابس صرت انا
.......................................
لي الشاعره شــــــــــــــهد المعموري
رد مع اقتباس
المشاركة الأصلية كتبت بواسطة معاني الفراق
